पुणे : कोरोनाच्या दुसऱ्या लाटेत पुण्यात कोरोना रुग्णांची संख्या मोठ्या प्रमाणात वाढली होती. कडक निर्बंध आणि लॉकडाऊनमुळे पुणे शहरातील रुग्णांची संख्या नियंत्रणात आली मात्र ग्रामीण भागातील रुग्णांची संख्या जास्त असल्याचे चित्र काही दिवसांपासून दिसत होते. मात्र पुणे जिल्ह्यातही नव्या रुग्णांच्या संख्ये हळू हळू घट होत असल्याचे दिसत आहे. (Corona Update Pune District New Corona Positive Count decline)

गेल्या 24 तासात जिल्ह्यात एकूण १५२४ रुग्ण आढळले असून त्यापैकी शहरात 384 , पिंपरी चिंचवड ८६, जिल्हा परिषद कार्यक्षेत्र ६७३, नगरपालिका क्षेत्र १५२, कॅंटोन्मेंट बोर्ड २९ नवे कोरोनाबाधित रुग्ण आढळले आहेत. या आधी सोमवारी जिल्ह्यात 1083 नवे कोरोना रुग्ण आढळले असून कोरोना रुग्णांची आकडेवारी 2 हजारच्या आत आली आहे. दरम्यान सलग दुसऱ्या ही आकडेवारी 2 हजारच्या खालीच राहिली आहे.

मंगळवारी दिवसभरात पुणे जिल्ह्यात 3621 तर शहरात 858 रुग्ण कोरोनामुक्त झाले. शहरातील एकूण कोरोनामुक्तांचा आकडा 45609 वर पोहचला आहे तर एकूण बाधितांचा आकडा 470311 वर पोहचला आहे. पुणे जिल्ह्यात गेल्या 24 तासात 57 जणांचा कोरोनामुळे मृत्यू झाला असून त्यापैकी 28 रुग्ण शहरातील होते. दरम्यान शहरातील एकूण मृत्यूंचा आकडा 8284 वर पोहचला आहे. दरम्यान, गेल्या 24 तासात शहरात 5964 रुग्णांची कोरोना चाचणी झाली असून एकूण 25 कोटी 2 हजार 701 नागरिकांची कोरोना चाचणी झाली आहे. सध्या शहरात एकूण 5518 रुग्णांवर उपचार सुरु असून 784 रुग्ण गंभीर स्थितीमध्ये आहे.