पुणे - शहरात काही दुकाने उघडण्यासह "लॉकडाउन'मध्ये सवलती देण्याच्या महापालिका आणि जिल्हा प्रशासनाच्या निर्णयाला महापौर मुरलीधर मोहोळ यांनी जोरदार विरोध केला आहे. पुणेकर आजघडीला सुरक्षित नाहीत; तेव्हा या सवलती घातक ठरतील, अशी भीती व्यक्त करीत, येत्या 17 मेपर्यंत कडकडीत बंद पाळण्याचा सल्ला महापौर मोहोळ यांनी दिला आहे. अशा निर्णयातून काही घडल्यास त्याची जबाबदारी कोणाची, असा प्रश्‍नही त्यांनी उपस्थितीत केला आहे. 

ताज्या बातम्यांसाठी डाऊनलोड करा ई-सकाळचे ऍप

पुणे शहरात रोजच्या कोरोना रुग्णांची संख्या वाढत आहे. मात्र, लॉकडाउनमध्ये शिथिलता आणून शहराच्या 97 टक्के भागांतील व्यवहार काही प्रमाणात सुरू करण्यात आले आहेत. त्यानंतर दिवसभर लोकांची सर्वत्र गर्दी दिसून येत आहे. त्यातून कोरोनाचा उद्रेक होण्याची भीती महापौरांनी व्यक्त केली आहे.

#Lockdown3.0 : घसा ओला करण्यासाठी तळीराम रस्त्यावर; दारुच्या दुकानांबाहेर लाबंच लांब रांगा 

महापौर मोहोळ म्हणाले, 'सध्या कोरोनाला रोखण्यासाठी प्रयत्न होत आहेत. तरीही, नव्या रुग्णांची संख्या मोठ्या प्रमाणात वाढत आहे. ही चिंतेची बाब आहे. ही संख्या आटोक्‍यात आणण्यासाठी लॉकडाउनचे पालन केले पाहिजे. दुर्दैवाने, तसे न करता, लोकांना सवलती देत दुकाने सुरू केल्याने कोरोना आणखी पसरणार आहे. त्यामुळेच प्रशासनाच्या निर्णयाला विरोध आहे.

कोरोनाशी संबंधित पुण्याच्या बातम्या वाचण्यासाठी येथे ► क्लिक करा