पुणे Coronavirus : संचारबंदी आदेशाचे उल्लंघन करीत विनाकारण किंवा किरकोळ कारणासाठी वाहने रस्त्यावर घेऊन येणाऱ्या नागरिकांची तब्बल २८ हजार २४५ हजार वाहने पुणे पोलिसांनी जप्त केली आहेत. संचारबंदी उल्लंघन प्रकरणी साडे नऊ हजार जणांवर कारवाई केली आहे, तर २९ हजार जणांना पोलिसांनी नोटीस पाठविली आहे.
कोरोनाच्या पार्श्वभूमीवर शहरात मागील काही दिवसांपासून संचारबंदी लागू करण्यात आली आहे. त्यामुळे अत्यावश्यक सेवा वगळता इतर सर्व वाहनांना शहरामध्ये वाहतुकीस बंदी घालण्यात आली आहे. तसेच विविध पोलिस ठाण्यांकडून व वरिष्ठ पोलिस अधिकाऱ्यांकडून नागरिकांना वेळोवेळी सूचना देण्यात आल्या आहेत. मात्र अनेकांकडून पोलिसांच्या सुचनेकडे दुर्लक्ष केले जात आहे. अनेकजण किरकोळ कामासाठी देखील आपआपली वाहने घेऊन रस्त्यावर येत आहेत. शहरातील अनेक भागात नागरिक सर्रासपणे फिरत असल्याचे पोलिसांच्या निदर्शनास आले. त्यानुसार पोलिसांकडून २८ हजार २४५ हजार वाहने जप्त करण्यात आली. पोलिसांनी कात्रज, स्वारगेट, डेक्कन, पुणे स्टेशन, हडपसर, बिबवेवाडी, चतु:श्रुंगी, सातारा रस्ता या ठिकाणी कारवाई करून २८ हजारावर वाहने जप्त केली आहेत.
पुण्याच्या इतर महत्त्वाच्या बातम्यांसाठी येथे ► क्लिक करा
पोलिसांकडून अधिकृत परवानगी घेतलेले व अत्यावश्यक कामासाठी बाहेर पडणाऱ्या नागरिकांना वगळून पोलिसांनी आतापर्यंत ९ हजार ५२३ जणांवर कारवाई केली आहे. तर, संचारबंदी कायद्याचे उल्लंघन केल्याप्रकरणी २९ हजार जणांना पोलिसांनी नोटीस पाठविली आहे. तसेच मास्क न परिधान करता फिरणाऱ्या ३७९ जणांवर कारवाई केली आहे, असे पोलिस उपायुक्त बच्चन सिंग यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.