पुणे - कोरोनाचा देशभरातील उद्योग आणि सामाजिक क्षेत्रावर गंभीर परिणाम होत असून, आर्थिक उदासीनता, शून्य महसूल निर्मिती यामुळे सुमारे 78 टक्के लघु, सूक्ष्म उद्योगांना (एमएसएमईंना) आपले कामकाज बंद करावे लागल्याचे डेटा विश्‍लेषक-आधारित बॅंकिंग आणि वित्तीय सेवा कंपनी "स्पोक्‍टो'ने केलेल्या अभ्यासातून दिसून आले आहे. 

स्पोक्‍टोने "द ग्राउंड ट्रुथ-व्हॉइस ऑफ इंडियन बॉरोव्हर्स' अंतर्गत मुदत कर्ज देणाऱ्या संस्थांचा आणि ग्राहकांचा अभ्यास केला. मुंबई, पुणे, नवी दिल्ली, बंगळुरू आदींसारख्या 185 शहरांमधून "स्पोक्‍टो'ने हा अभ्यास करून निष्कर्ष काढला आहे. सुमारे 59 टक्के ग्राहकांचे कोरोनाच्या काळात उत्पन्नात नुकसान झाले आहे. तर केवळ 4 टक्के ग्राहकांच्या उत्पन्नावर कोणताही परिणाम झाला नाही. सध्याच्या कामगार शक्तीतील 34 
टक्के कर्मचाऱ्यांनी आपल्या नोकऱ्या गमावल्या आहेत. 

दैनंदिन गरजा भागविण्यासाठी सुमारे 56 टक्के ग्राहकांनी वैयक्तिक कर्ज घेतले आहे तर गृहकर्ज घेणाऱ्या ग्राहकांची संख्या 23 टक्के आहे. यानंतर व्यावसायिक कर्ज घेणाऱ्या ग्राहकांचा (17 टक्के), कार लोन (16 टक्के), दुचाकी कर्ज (15 टक्के), इतर कर्ज (5 टक्के) यांचा क्रमांक लागतो. एकूण खातेदारांपैकी 76 टक्के लोकांनी ईएमआयमध्ये 50,000 रुपयांची लहान कर्जे घेतली आहेत. 

ताज्या बातम्यांसाठी डाऊनलोड करा ई-सकाळचे ऍप   

पुढच्या वर्षभराचा विचार केल्यास 38 टक्के ग्राहकांना कोणत्याही प्रकारच्या कर्जाची गरज भासणार नसून, 37 टक्के ग्राहकांना मात्र लग्न, शिक्षण यांसारख्या वैयक्तिक खर्चकरिता कर्जाची आवश्‍यकता असणार आहे. 16 टक्के ग्राहकांना गृहकर्जाची आवश्‍यकता भासणार असून, स्वतःचे वाहन विकत घेण्यासाठी 9 टक्के ग्राहकांना कर्जाची गरज लागणार आहे. 

पुण्याच्या बातम्या वाचण्यासाठी येथे ► क्लिक करा

स्पोक्‍टो सोल्यूशन्सचे संस्थापक आणि मुख्य कार्यकारी अधिकारी समित श्रीवास्तव म्हणाले,""देशातील उद्योग आणि व्यावसायिकांसाठी 2020 हे वर्ष एखाद्या दु:स्वप्नासारखे आहे. बॅंकिंग आणि कर्ज देणाऱ्या इको सिस्टिमला आपली एंगेजमेंट धोरणे आणि योजना नव्याने विकसित कराव्या लागतील.''