पुणे : मुख्यमंत्री उद्धव ठाकरे यांनी पुणे, पिंपरी चिंचवड महापालिका आयुक्त , जिल्हाधिकारी याच्याशी व्हिडीओ कॉन्फरन्सिंगद्वारे संवाद साधला आहे. त्यानुसार उद्यापासून नेमके काय सुरू असेल? आणि काय बंद? याचे आदेश देण्यात आले असल्याची माहिती महापालिका आयुक्त शेखर गायकवाड यांनी दिली.

ताज्या बातम्यांसाठी डाऊनलोड करा ई-सकाळचे ऍप

कोरोनाशी संबंधित पुण्याच्या बातम्या वाचण्यासाठी येथे ► क्लिक करा

पुण्यातील नवे आदेश काय सांगतात?

१) जीवनावश्यक वस्तूंखेरीज इतर सामग्रीच्या विक्रीची जास्तीत जास्त पाच दुकाने चालू ठेवण्यास परवानगी राहिल.

२) सर्व दुकाने सकाळी १० वा. ते सायंकाळी ६ वाजेपर्यंत सुरू ठेवता येतील.

३) सर्व संबंधितांना सायंकाळी ७ पूर्वी आपल्या वास्तव्याच्या ठिकाणी पोहोचणे अनिवार्य राहील.

४) ६५ वर्षांवरील व्यक्ती, दुर्धर आजाराने ग्रस्त, गर्भवती स्त्रिया, दहा वर्षांखालील मुले यांनी घरी थांबण्यात सर्वोच्च प्राधान्य द्यावे. 

५) प्रतिबंधित क्षेत्रात यापूर्वी निर्देशित केल्याप्रमाणे जीवनावश्यक वस्तू व सेवा यांची विक्री सकाळी १०ते दुपारी २ या कालावधीत चालू ठेवण्यास परवानगी राहील

६) प्रतिबंधित क्षेत्रात यापूर्वी अमलात असलेले अतिरिक्त निर्बंध कायम राहणार आहेत.