पिंपरी : खासगी वाटाघाटीने भूसंपादन करण्याचा विषय तहकूब केल्याने महापालिका सर्व साधारण सभेत शिवसेना, राष्ट्रवादी नगरसेवकांनी राजदंड पळविण्याचा प्रयत्न केला. सभा तहकूब करून महापौर उषा ढोरे निघून गेल्यानंतर ही सभा गृहात गोंधळ सुरुच होता.
 

खासगी वाटाघाटी करून भू-संपादन करताना संबंधित जमीन मालकास मोबदला देण्याचा विषय सर्व साधारण सभेपुढे होता. याबाबतचा ठराव २१ नोव्हेंबर २०१३ ला सर्व साधारण सभेने केला आहे. त्यानुसार जमीन मालकास नुकसान भरपाई देताना ३० टक्के दिलासा रक्कम मिळणार आहे. मात्र, २० नोव्हेंबर २०१५ च्या ठरवानुसार ३०० चौरस मीटर बाधितांना १०० टक्के दिलासा रक्कम व त्यापेक्षा अधिक क्षेत्र असल्यास ३० टक्के रक्कम देण्यास मान्यता आहे. तसेच, ३०० पेक्षा अधिक क्षेत्राचे विभाजन करून कमी क्षेत्राचा भूखंड करून सर्व प्रकरणात ३० टक्केच सांत्वन रक्कम देण्याचा विषय मान्यतेसाठी होता. तो तहकूब केल्याचे महापौर उषा ढोरे यांनी जाहीर केले.
खेड-शिवापूर टोलनाक्याबाबत 'हा' मॅसेज होतोय व्हायरल 

त्यानंतर शिवसेना गट नेते राहुल कलाटे यांनी राज दंड पळविण्याचा प्रयत्न केला. सुरक्षा रक्षकांनी राज दंड घेतला. कलाटे यांना राष्ट्रवादी नगरसेवकांची साथ मिळाली व गोंधळ वाढला. त्यातच सभा तहकूब केल्याचे सांगून महापौर ढोरे निघून गेल्या. 
 

ताज्या बातम्यांसाठी डाऊनलोड करा ई-सकाळचे ऍप