Migrant_Workers 
पुणे

स्थलांतरित कामगार होणार 'टेन्शन फ्री'; कामगार विभागानं घेतला 'हा' निर्णय!

सकाळ वृत्तसेवा

पुणे : आपल्या गावी कसे जायचे? कामाच्या ठिकाणी झालेला त्रास कसा सोडवायचा? मजुरीचे पैसे अडकले असतील, तर ते कसे मिळवायचे? यासह कोरोनाच्या परिस्थितीमुळे नैराशेच्या गर्तेत अडकले असतील, तर काय करायचं? अशा अनेक शंकांचे निरसन करण्यासाठी आता स्थलांतरित कामगारांना कामगार विभागामार्फत समुपदेशन करण्यात येणार आहे.

याबाबत सर्वोच्च न्यायालयाने सुमोटो रिट पिटीशन दाखल केली होती. त्यानुसार स्थलांतरित कामगारांच्या अडचणी सोडवण्यासाठी योग्य ती कार्यवाही करण्याचे निर्देश न्यायालयाने केंद्र आणि राज्य सरकारला दिले आहेत. आदेशानंतर पंधरा दिवसांतच याबाबत कार्यवाही करा, असे सूचना याबाबच्या आदेशात करण्यात आली होती.

त्यानुसार हे केंद्र स्थापन करण्यात आले असून स्थलांतरित कामगारांना त्यांच्या विविध शंकाबाबत मार्गदर्शन केले जाणार आहे. तसेच त्यांच्या अडचणी लक्षात घेऊन त्याबाबत समुपदेशन करण्याचे काम या केंद्राच्या माध्यमातून करण्यात येईल. यासह राज्य शासनाच्या विविध योजनांची देखील माहिती त्याठिकाणी दिली जाणार आहे. त्यामुळे विविध चिंतांनी ग्रस्त असलेले कामगार केंद्रात गेल्यानंतर निर्धास्त होतील, अशी खबरदारी केंद्राच्या माध्यमातून घेण्यात येत आहे. 

लॉकडाऊन काळात रोजगार थांबल्याने कामगार आणि मजूर कामगार वर्ग मोठ्या अडचणीत सापडला आहे. आर्थिक अडचणी निर्माण झाल्याने कुटुंबासह आत्महत्या करण्याचा प्रयत्न केल्याची घटना नुकतीच जिल्ह्यात घडली आहे. कामगारांच्या अडचणी लक्षात घेऊन शहरातील काही सामाजिक संस्था आणि क्रेडाई  या बांधकाम व्यावसायिकांच्या संघटनेद्वारे त्यांना समुपदेशन करण्यात येत आहे. मात्र आता शासकीय पातळीवर देखील कामगारांचे मनोबल वाढवले जाणार आहे.

या ठिकाणी आहे केंद्र : 
स्थलांतरितांना समुपदेशन करण्यासाठी येथील अप्पर कामगार आयुक्त कार्यालयात केंद्र सुरू करण्यात आले आहे. पुणे-मुंबई रस्त्यावर वाकडेवाडी येथे असलेल्या बंगला नंबर पाचमध्ये संबंधित कार्यालय आहे. सहाय्यक कामगार आयुक्त अभय गीते यांची त्याठिकाणी केंद्रप्रमुख म्हणून नियुक्ती करण्यात आली आहे.

या कामगारांना त्यांच्या गावी जाण्यापासून अडवण्यात येणार नाही. मात्र कामाचे पैसे मिळाले नाही का? येथे राहण्या-खाण्याची सोय होत नाही का? किंवा इतर कोणत्या अडचणी आहेत याची विचारणा त्यांच्याकडे केली जाईल व अडचण सोडवण्यात येईल. ऑनलाईन फॉर्म कसा भरायचा याचे मार्गदर्शनही केले जाणार आहे.
- शैलेश पोळ, अप्पर कामगार आयुक्त

- पुण्याच्या बातम्या वाचण्यासाठी येथे ► क्लिक करा

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT