नारायणगाव : सोशल डिस्टन्सचे पालन न करता व बिगरपरवानगी येथील ग्रामदैवत मुक्ताबाई देवस्थान प्रवेशद्वारा समोर सार्वजनिक ठिकाणी  वाढदिवस साजरा करून आक्षेपार्ह वर्तन केल्या प्रकरणी नारायणगाव पोलिसांनी सहा तरुणांवर गुन्हा दाखल केला आहे.

हे ही वाचा : औषध फवारणीचा कृषी विभागाचा सल्ला

सकलेन नासिर आत्तार, साकीर आमीन जमादार, आरमान खालीद शेख, मोईन एकलाक आत्तार, मोसीन फिरोज ईनामदार, जाहीद पिर मंहम्मद पटेल (सर्व राहणार  मुस्लीम मोहल्ला नारायणगाव ता जुन्नर) या तरुणांवर गुन्हा दाखल करण्यात आला आहे. अशी माहिती सहायक पोलिस निरीक्षक डी. के.गुंड यांनी दिली.

हे ही वाचा : पुण्यातील चतुःश्रृंगी पोलिस ठाण्यात गुन्हा दाखल

सकलेन नासिर शेख( वय १८) याचा वाढदिवस १३ डिसेंबर २०२० रोजी रात्री साडेदहा वाजण्याच्या  सुमारास ग्रामदैवत मुक्ताबाई देवस्थान प्रवेशद्वारा समोर साजरा केला. या वेळी सकलेन  शेख याला इतर पाच आरोपींनी अंडी फेकून मारली व सार्वजनिक ठिकाणी शांतता भंग होईल असे वर्तन केले. हा व्हिडीओ सोशल मीडियावर व्हायरल झाला. देवस्थान समोर केलेल्या या वर्तनाबाबत सोशल मीडियाच्या माध्यमातून तीव्र प्रतिक्रिया व्यक्त झाल्या. गुंड यांनी या घटनेची दखल घेऊन सहा जणांवर गुन्हा दाखल केला.

(संपादन : सागर डी. शेलार)