पुणे : मित्राला मारहाण केल्याच्या कारणावरून दोन कैद्यांनी एकाला बेदम मारहाण केल्याचा प्रकार नुकताच येरवडा कारागृहात घडला. याप्रकरणी येरवडा पोलिस ठाण्यात शुक्रवारी ( ता 1) गुन्हा दाखल करण्यात आला आहे. याप्रकरणी अजय शामराव सोनवणे  ऊर्फ पपड्या (वय २४ रा. गेरवाई, जि. बीड ) याने फिर्याद दिली आहे.

त्यावरुन पोलिसांनी मुकुल रेवणसिद्ध कांबळे आणि सुशांत सुरेश शिंदे (दोघे रा. दत्तनगर, चिंचवड) यांच्याविरुद्ध गुन्हा दाखल केला आहे. हा प्रकार २९ जूनला सकाळी साडेसात वाजता कारागृहाच्या आवारात घडला. सोनवणे तसेच आरोपी कांबळे व शिंदे येरवडा कारागृहात कैदेत आहेत. सोनवणे सकाळी आंघोळीसाठी गेला असताना मुकुल व सुशांत यांनी तू आमच्या मित्राला का मारले? असे विचारत त्याला बेदम मारहाण केली.