पुणे : शिवीगाळ केल्याच्या कारणावरुन हडपसर येथे नागरिकाच्या डोक्‍यात दगड घालून त्याचा खून केल्याचे उघड झाले आहे. या प्रकरणातील आरोपीस हडपसर पोलिसांनी अटक केली. आरोपी हा सराईत गुन्हेगार असून त्याच्याविरुद्ध हडपसर पोलिस ठाण्यात विविध प्रकारचे गंभीर गुन्हे दाखल आहेत. 

- US Election 2020 : ज्यो बायडेन बनले अमेरिकेचे ४६ वे अध्यक्ष; ट्रम्प यांच्यावर केली मात​

अमोल बबन रजपूत (वय 34, रा. माळवाडी, हडपसर) असे अटक केलेल्या संशयित आरोपीचे नाव आहे. तर दत्तात्रय साहेबराव कांबळे (वय 57) असे खून झालेल्या व्यक्तीचे नाव आहे. वरिष्ठ पोलिस निरीक्षक बाळकृष्ण कदम यांनी दिलेल्या माहितीनुसार, माळवाडी येथील शेतात अनोळखी व्यक्तीने दत्तात्रय कांबळे यांच्या डोक्‍यात दगड घालून त्यांचा खून केल्याची घटना गुरुवारी सकाळी उघडकीस आली होती. याप्रकरणी त्यांच्या कुटुंबीयांनी हडपसर पोलिस ठाण्यात फिर्याद दिली होती. या प्रकरणाचा हडपसर पोलिसांकडून कसून तपास केला जात होता.

- Positive Story: बचत गटांतील महिलांनी खरेदी केल्या ४३ बस; संरक्षण राज्यमंत्र्यांनी घेतली दखल​

दरम्यान, रजपूत आणि कांबळे हे दोघेही एकाच परिसरात राहणारे होते. त्याचबरोबर बुधवारी सायंकाळी कांबळे हे रजपूतच्या गाडीवर दारुच्या दुकानामध्ये गेले. तेथून दारू घेऊन दोघेजण माळवाडीतील शेतामध्ये गेले. मद्यपान केल्यानंतर कांबळे याने रजपूतला आई-बहिणीवरुन शिवीगाळ केली. त्याचा राग आल्याने रजपूत याने शेतामधील दगड उचलून कांबळे यांच्या डोक्‍यात घालत त्यांचा खून केल्याची कबुली दिली.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)