वाघोली : राज्यभरात दरोडा व घरफोड्या करणाऱ्या अट्टल गुन्हेगाराला गुन्हे शाखा युनिट सहाने जेरबंद केले. त्याच्याकडून सहा लाख रुपये किमतीचे सुमारे अर्धा किलो सोने हस्तगत करण्यात आले. त्याच्यावर पुण्यासह राज्यातील विविध पोलीस ठाण्यात 20 पेक्षा अधिक गुन्हे दाखल आहेत.

हंसराज रणजितसिंग टाक ( वय 18, रा हडपसर ) असे जेरबंद केलेल्या गुन्हेगाराचे नाव आहे. हडपसर पोलीस ठाण्यात दाखल असलेल्या गुन्ह्याचा तपास गुन्हे शाखा युनिट सहा करत असताना टाक याने हा गुन्हा केल्याचे व तो कॅनॉल रोड हडपसर येथे येणार असल्याचे समजले. त्याला सापळा रचून पकडण्यात आले. त्याने हडपसर येथील गुन्ह्याची कबुली दिली. त्याच्यावर पुण्यातील सहा पोलीस ठाण्यात घरफोड्या व दरोड्याचे गुन्हे दाखल आहेत. ही कामगिरी पोलीस उपायुक्त ( गुन्हे )अमोल झेंडे, सह्हायक पोलीस आयुक्त, ( गुन्हे ) सतिश गोवेकर यांच्या मार्गदर्शनाखाली गुन्हे शाखा, युनिट सहाचे वरिष्ठ पोलीस निरीक्षक रजनीश निर्गल, पोलीस उपनिरीक्षक मैरवनाथ शेळके, सुरेश जायभाय, अंमलदार विठ्ठल खेडकर, नितीन मुंडे, रमेश मेमाणे, बाळासाहेब सकटे, प्रतिक लाहीमुडे, कानिफनाथ कारखेले, ऋषिकेश व्यवहारे, ऋषीकेश ताकवणे, सचिन पवार, नितीन धाड़गे, महेंद्र कडु, ज्योती काळे व सुहास तांबेकर यांनी केली.