खडकी बाजार : सध्या पुण्यामध्ये कोरोनाचे वातावरण भयंकर आहे. असे असतानाही नागरिका निष्काळजीपणे वागत आहेत. संजय गांधी भाजी मंडई मध्ये रविवार (ता. १९ ) सकाळी आठ वाजल्यापासून भाजी खरेदीसाठी तोबा गर्दी झाली होती. या ठिकाणी कोणाही नियमांचे पालन करत नव्हते. 

बॅकलाॅगच्या विद्यार्थ्यांना मोठा दिलासा, पुढच्या वर्गात प्रवेश मिळाला पण...

येथील संजय गांधी भाजी मंडई मध्ये रविवार (ता. १९ ) सकाळी आठ वाजल्यापासून भाजी खरेदीसाठी तोबा गर्दी झाली होती. यावेळी संपूर्ण परिसर भाजी विक्रेते व ग्राहकांनी खचाखच भरून गेला होता सोशल डिस्टन्स व सर्व नियम धाब्यावर बसवीत भाजी विक्रेत्यांचा व्यवसाय सुरू होता केवळ 40 भाजी विक्रेते व 20 फळ विक्रेत्यांना परवानगी दिली असताना, ही संपूर्ण मंडईत अंदाजे  दीडशेच्या वर विक्रेते व्यवसाय करीत होते.

दरम्यान, वेळीच खडकी कॅन्टोन्मेंट बोर्डाचे अतिक्रमण अधिकारी बी. एस. नाईक त्यांच्या ताफ्यासह आले त्याचवेळी खडकी पोलीस ठाण्याचे सहायक पोलिस निरीक्षक हरीश ठाकूर यांनी बेकायदेशीर भाजी विक्री थांबवित फक्त 60 विक्रेत्यांना परवानगी देऊन इतर काही विक्रेत्यांवर कलम 188 नुसार कारवाई केली तर  बी. एस. नाईक यांनी ही नियमबाह्य विक्रेत्यांवर दंडात्मक कारवाई केली.

लाॅकडाउनमध्ये रविवारपासून पुणेकरांना दिलासा

खडकी कॅन्टोन्मेंट बोर्डातर्फे पहिला पाच दिवसांचा कालावधी संपल्यानंतर 19 जुलैला फक्त एकच दिवस सकाळी 8 ते 6 परवानगी देण्यात आली होती. ,मात्र भाजी मंडई मध्ये भाजी विक्रेत्यांनी बोर्डाने दिलेले नियम पायदळी तुडवत सर्रासपणे सर्वच विक्रेते येऊन व्यवसाय करीत होते. 20 ते 23 जुलै खडकी कॅन्टोन्मेंट, रेंजहिल, साप्रस, व खडकी बाजारात फक्त अत्यावश्यक सेवा सकाळी 8 ते 12 वाजेपर्यंत च सुरू राहतील अशी माहिती नाईक यांनी दिली आहे.