लोणी काळभोर - पुणे-सोलापूर महामार्गावर फुरसुंगी (ता. हवेली) ग्रामपंचायत हद्दीत असलेल्या डी. एस. के इंटरनॅशनल स्कूल ऑफ डिझाइन या कॉलेजला आज बुधवारी (ता. २२) दुपारी १ वाजण्याच्या सुमारास भीषण आग लागली. या आगीत मोठ्या प्रमाणात आर्थिक नुकसान झाल्याची माहिती समोर येत आहे. तर आगीचे लोट तब्बल ५ किलोमीटर अंतरावरून दिसत असून हडपसर पोलीस पथक व अग्निशमन दलाचे पथक तात्काळ सदर ठिकाणी दाखल झाले आहे.

मागील काही दिवसांपासून डी. एस. के इंटरनॅशनल स्कूल ऑफ डिझाइन कॉलेज बंद आहे. कॉलेज बंद असल्याने या ठिकाणी असणाऱ्या किमतीच्या वस्तू, बंद असलेल्या गाड्यांचे पार्ट चोरून नेहल्याचे दिसून येत आहे. त्यातच हडपसर पोलिसांनी चोरी करण्यासाठी आलेल्या ३ चोरट्यांना मंगळवारी (ता. २१) अटक केली आहे. यामुळे हि आग लागली कि लावली, याबद्दल सांशकता आहे. चोरट्यांनी आग असल्याचा संशय व्यक्त होत आहे.