पुणे, ता. 19 : सावित्रीबाई फुले पुणे विद्यापीठाच्या बहि:स्थ अभ्यासक्रमाच्या पदवी आणि पदव्युत्तरच्या अंतिम वर्षाची आणि बॅकलॉग विद्यार्थ्यांची परीक्षा ऑक्‍टोबर महिन्यात घेतली जाणार आहे. यासाठी विद्यार्थ्यांनी त्यांना ऑनलाइन परीक्षा द्यायची आहे की ऑफलाइन याचा पर्याय निवडण्यासाठी 21 सप्टेंबरपर्यंत मुदत देण्यात आली आहे.

पुणे विद्यापीठातर्फे नियमित प्रवेश असलेल्या विद्यार्थ्यांची परीक्षा घेण्याची तयारी सुरू आहे. सर्व विद्याशाखेतील सुमारे 2 लाख 48 हजार विद्यार्थी ही परीक्षा देणार आहेत. यातील 85 टक्के विद्यार्थ्यांनी ऑनलाईनचा पर्याय निवडला आहे.

जिल्ह्यात १० लाख जनावरांना लाळ्या खुरकूत लस आजपासून देणार; कानात मारणार बारकोडचा बिल्ला

विद्यापीठाने नियमित विद्यार्थ्यांच्या परीक्षेबरोबरच विद्यापीठाच्या बहि:स्थ अभ्यासक्रमाच्या द्वितीय वर्षातील बॅकलॉग आणि अंतिम वर्ष विद्यार्थ्यांची परीक्षा घेण्याचाही निर्णय घेतला आहे. या परीक्षेसाठी एकूण 16 हजार विद्यार्थी असणार आहेत. ही परीक्षा बहुपर्यायी प्रश्‍न ( मल्टिपल च्वाईस क्वेश्‍चन-एमसीक्‍यू) या पद्धतीने होणार आहे. त्यासाठी ऑफलाईन व ऑनलाईनचा पर्याय उपलब्ध आहे, त्यातील एक पर्याय विद्यार्थ्यांनी निवडावा.

पुण्याचे नवे ‘सीपी’ देणार पुणेकरांचे प्रश्‍न सोडविण्यावर भर

बहि:स्थ अभ्यासक्रमांच्या विद्यार्थ्यांना परीक्षेसाठी लिंकवरून अर्ज सादर करणे आवश्‍यक आहे. त्याशिवाय विद्यार्थ्यांना परीक्षेला बसता येणार नाही, असे आवाहन विद्यापीठाच्या मुक्‍त अध्ययन प्रशालेचे संचालक प्रा. डॉ. संजीव सोनवणे यांनी दिली.अर्ज करताना काही अडचणी आल्यास 020-25622458/59 या क्रमांकावर संपर्क साधावा. पर्याय निवडीसाठी http://sps.unipune.ac.in/app/ या लिंकवर भेट द्यावी.