पिंपरी : रस्ता ओलांडत असताना क्रेनची धडक बसल्याने वृद्धाचा मृत्यू झाला. ही घटना शनिवारी (ता.22) सायंकाळी चारच्या सुमारास पिंपरीतील गांधीनगर येथे घडली. 

ताज्या बातम्यांसाठी ई-सकाळचे ऍप डाऊनलोड करा 

बबन केरू साळवे (वय 65, रा. गांधीनगर, पिंपरी) असे अपघातात मृत्यू झालेल्या वृद्धाचे नाव आहे. साळवे हे सायंकाळी चारच्या सुमारास गांधीनगर येथील पीएमपी बसथांब्यासमोरील रस्ता पायी ओलांडत होते. त्यावेळी या रस्त्याने जात असलेल्या क्रेनने त्यांना धडक दिली. यामध्ये त्यांच्या डोक्‍याला गंभीर दुखापत झाल्याने त्यांना तातडीने पिंपरीतील यशवंतराव चव्हाण स्मृती रूग्णालयात दाखल करण्यात आले. मात्र, डॉक्‍टरांनी त्यांना मृत घोषित केले.

फेसबुक फ्रेंडशीप पडतेय महागात; अशी होतेय महिलांची फसवणूक  

अपघातस्थळी बघ्यांनी मोठ्याप्रमाणात गर्दी केल्याने वाहतूक कोंडी झाली होती. पिंपरी पोलिस अधिक तपास करीत आहेत.