वडगाव निंबाळकर - फेसबुकवर (Facebook) उपमुख्यमंत्री अजित पवार (Ajit Pawar) यांच्यासंबंधी बदनामीकारक मजकूर (Message) प्रसिद्ध केल्याप्रकरणी १५ फेसबुक खातेधारकांविरोधात वडगाव निंबाळकर पोलिसांनी गुन्हा (Crime) दाखल केला आहे.

'द कश्मीर फाईल्स' हा चित्रपट करमुक्त करावा या आशयाची पोस्ट फेसबुकवर टाकण्यात आली होती. त्याखाली गुन्हा दाखल झालेल्या खातेधारकांनी उपमुख्यमंत्री अजित पवार यांची बदनामी करणारा, अश्लिल मजकूर टाकला. सतीश वर्तक, विश्वजित इंद्रदेव पोटफाडे, विपुल भोंगळे, विनोद पवार, विजय भोगे, रणजित राठोड, सचिनभैय्या तिपटे पाटील, शंतनू घैवट, प्रसन्न निजामपूरकर, ओंकार देवरकगावकर, आशुतोष भिताडे, हरीष शेटे, कुणाल महाडीक, गणेश चोरमारे, अभिजित देशमुख या फेसबुक खातेधारकांवर गुन्हा दाखल केला आहे. नितीन संजय यादव (रा. करंजेपूल, ता. बारामती) यांनी याबाबत पोलिसांकडे फिर्याद दिली. दि. १७ रोजी हा प्रकार उघडकिस आला.