देहूरोड - देहूरोड कॅंटोन्मेंटसह पिंपरी-चिंचवड महापालिका हद्दीतील रावेत, किवळे, विकासनगर भागात एकही अधिकृत आधार कार्ड केंद्र नाही. येथील असंख्य नागरिक आधार कार्डपासून वंचित आहेत.

‘आधार’मधील दुरुस्तीसाठी आधार केंद्र शोधावे लागत आहे. रावेत परिसरात केंद्र नसल्याने प्राधिकरणात जाण्याशिवाय पर्याय नाही असे उद्योजक दीपक मधुकर भोंडवे यांनी सांगितले.

सरकारने स्थानिक पातळीवर अधिक लोकसंख्येच्या ठिकाणी आधार केंद्रे सुरू करावीत, अशी मागणी सोमाटणे येथील प्रतिभा डहाळे यांनी केली आहे.

देहूरोड परिसरातील दोन अनधिकृत आधार नोंदणी केंद्रांवर पिंपरी चिंचवडच्या अतिरिक्त तहसीलदार गीतांजली शिर्के यांनी महिन्यापूर्वी कारवाई केली होती.

ज्येष्ठ नागरिकांना प्राधान्य दिले जाते. ज्या शाखेत ज्येष्ठांना व्यवस्थित वागणूक दिली जात नाही. त्याबाबत आमच्याकडे संपर्क साधावा.
- नटराजन पटनाला, 

सीनियर मॅनेजर, बॅंक ऑफ महाराष्ट्र, मोरवाडी शाखा शहरात आधार नोंदणीचे केवळ ९ टक्के काम राहिले आहे. ५९ केंद्रे सुरू करण्याचे नियोजन आहे. त्यातील ३१ केंद्रे सुरू आहेत. उर्वरित केंद्रांसाठी जिल्हाधिकाऱ्यांकडे पाठपुरावा सुरू आहे.
- प्रवीण आष्टीकर, प्रभारी अतिरिक्त आयुक्त, पालिका