पुणे : शहरात सहकार तत्वावर आधारित रक्तदात्यांची रक्तपेढी सुरू करण्यात यावी अशी मागणी रक्तहितवर्धिनी सामाजिक संस्थेच्या वतीने पत्रकार परिषदेत करण्यात आली आहे. 

- ताज्या बातम्यांसाठी डाऊनलोड करा ई-सकाळचे ऍप

संस्थेचे अध्यक्ष चंद्रशेखर शिंदे म्हणाले, "कोरोनाच्या काळात अनेक रुग्णांना रक्ताची गरज असल्याचे समाज माध्यमातून आढळून आले. सरकारी आणि खासगी रुग्णालयात रक्तपेढ्या असूनही रक्ताची कमतरता भासत आहे. तर बहुतांश वेळी रक्त पिशव्यांच्या किंमती अधिक असल्यानेही अडचणी निर्माण झाल्या. या कठीण काळात रक्ताचा तुटवडा भासू नये यासाठी राज्यातील रुग्णांनासाठी रक्तपिशवीची दरवाढ कमी करण्यात यावी, तसेच रक्तदान प्रबोधन समिती शहर व राज्य पातळीवर स्थापन करण्यासाठी शासनाने परवानगी द्यावी. यासाठी मागण्यांचे निवेदन आरोग्य मंत्री राजेश टोपे यांना देण्यात आले आहे."

- पुण्याच्या बातम्या वाचण्यासाठी येथे ► क्लिक करा

राज्यातील रक्तदात्यांच्या रक्तदानामुळे अनेकांचे प्राण वाचविणे शक्य होईल. यासाठी सहकार तत्त्वावर रक्तदात्यांचे शहर आणि तालुका स्तरावर रक्तपेढी असायला हवी. त्याचबरोबर गरजू लोकांना कमी किमतीत रक्ताची पिशवी उपलब्ध व्हावी, यासाठी आम्ही सरकारकडे या मागण्या केल्या असून सरकारने याची दखल घ्यावी असे शिंदे यांनी सांगितले.

पिंपरी-चिंचवडच्या बातम्या वाचण्यासाठी येथे ► क्लिक करा