पुणे : अरण्येश्वर येथे संतनगरमधील गुरूदत्त सोसायटीमध्ये महावितरणने विजेचा डीपी बसविलेला आहे. हा डीपी या ठिकाणावरून हलविण्यात यावा अशी मागणी  या सोसायटीमधीलील नागरिकांनी केली आहे. गुरूदत्त सोसायटीमध्ये गेटच्या जवळ विजेचा डीपी बसविण्यात आलेला आहे. याठिकाणी सहा महिन्यांपासून हा डीपी आहे. हा डीपी आधी बाहेर बसविण्यात आला होता तो आता सोसायटीमध्ये बसविला आहे. येथे लहान मुले खेळत असतात. लहान मुलांना विजेचा धक्का लागू शकतो. अपघात होण्याची शक्यता आहे. सोसायटीमध्ये अशा प्रकारे डीपी बसविणे धोक्याचे ठरू शकते. महावितरणने याकडे दुर्लक्ष केले आहे. डीपी बसवायला सोसायटीच्या चेअरमनची परवानगी असली तरी सोसायटीमधील नागरिकांनी याला विरोध केला आहे. गुरूदत्त सोसायटी आणि त्याच्याशेजारील नामदास स़ोसायटी यामधील रहिवाशांचा याला विरोध आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

येथील रहिवाशांनी एक महिन्यांपूर्वी महावितरणला अर्ज देऊन हा डिपी हलविण्याची मागणी केली होती. तरीसुध्दा यावरती कोणती कारवाई महावितरणकडून करण्यात आलेली नाही. रहिवाशांनी सतत पाठपुरावा करून डीपी हलविण्याची मागणी केलेली आहे. महावितरणकडून दोन दिवसांत हलवू नंतर काम करू अशी उत्तरे देण्यात आलेली आहेत. हा डीपी बसविणारा ठेकेदारही नागरिकांना दाद देत नाही. याठिकाणी महावितरणचे याकडे दुर्लक्ष होताना दिसत आहे.

Breaking : महाविद्यालय स्तरावर होणार परीक्षा?; 'यूजीसी'चे उपाध्यक्ष काय म्हणाले पाहा!

नागरिकांच्या परवानगी नसताना याठिकाणी डीपी बसविण्यात आलेला आहे. आता मात्र महावितरण या प्रकरणाकडे दुर्लक्ष करताना दिसत आहे. याठिकाणी अपघात झाल्यास महावितरण जबाबदार रहाणार का असा प्रश्न सोसायटीमधील रहिवाशी विचारत आहेत. हा डिपी लवकरात लवकर सोसायटीमधून हलविण्यात यावा, अशी मागणी रहिवाशी रूपेश तूरे आणि अमित सोहेल यांनी केलेली आहे. याबबत महावितरणच्या अधिकारी अंजली मोने यांच्यांशी संपर्क होऊ शकला नाही‌.

 

हा डीपी आमच्या परवानगीशिवाय बसविण्यात आलेला आहे. आता डीपी हलविण्यास महावितरणचे अधिकारी टाळाटाळ करत आहेत. हा डिपी लवकरात लवकर आमच्या सोसायटीमधून हलवण्यात यावा.
- रूपेश तुरे, नागरिक, गुरूदत्त सोसायटी