नसरापूर : विविध विकास कामे व राष्ट्रवादीच्या मेळाव्यासाठी वेल्ह्याला निघालेले राज्याचे उपमुख्यमंत्री अजित पवार यांना नसरापूर मध्ये थांबवुन येथील ग्रामपंचायत व ग्रामस्थांनी सत्कार केला व गावच्या विकासाच्या काही मागण्यांचे निवेदन दिले याला सकारात्मक प्रतिसाद देत दादांनी अचानक ग्रामपंचायतीच्या बाँडीवर अकरा पैकी आपले सदस्य किती आहेत असा प्रश्न केला यावर नसरापूरच्या सदस्यांनी व ग्रामस्थांनी देखिल मिस्किल उत्तर देत दादा सगळे आपलेच आहेत आमची सुध्दा काँग्रेस राष्ट्रवादीची नसरापूर विकास आघाडी आहे. यावर अजित पवार यांनी स्मितहास्य करत शक्य होईल ती सर्व मदत करु, असे अश्वासन देत वेल्हेकडे रवाना झाले.

अजित पवार नसरापूर मार्गे वेल्हेकडे जाणार असल्याने नसरापूर ग्रामपंचायतीच्या वतीने नसरापूर मध्ये त्यांचा सन्मान करण्याचे नियोजन करण्यात आले त्या नुसार नियोजन करण्यात आले मात्र अजित पवार वेळे अभावी ग्रामपंचायत कार्यालयात आले नाहीत कार्यालया समोरच गाडी जवळ नसरापूरचे सरपंच रोहीणी शेटे,उपसरपंच गणेश दळवी यांनी त्यांचा सन्मान केला यावेळी सर्व सदस्य व ग्रामस्थ उपस्थित होते. ग्रामपंचायतीच्या वतीने पवार यांना यावेळी निवेदन देऊन गावा मधील महामार्ग ते भैरवनाथ मंदिर हा मुख्य रस्ता काँक्रिटीकरणासाठी निधी व दुतर्फा गटर बांधकाम,घनकचरा व सांडपाणी व्यवस्थापनासाठी निधी,पीएमआरडीए च्या निधीमधुन गावा मधील अंतर्गतरस्त्यांची कामे व्हावीत,बनेश्वर मंदिर येथे शिवगंगा नदी किनारी बंधारा बांधुन बोटींग व्दारे जलपर्यटन व्हावे अशा मागण्या करण्यात आल्या या मधील मुख्य रस्त,कचरा व्यवस्थापन व जलपर्यटन या बाबत निश्चित काम करु अशी ग्वाही यावेळी त्यांनी दिली.

सदस्या उषा कदम,संदिप कदम व ग्रामस्थांनी यावेळी पिएमआरडीए च्या रस्त्याच्या आरक्षणा बाबत मुद्दा यावेळी उपस्थित केल्यावर जे काही आहे ते लेखी द्या पीएमआरडीए च्या अधिकारयां समवते बैठक लावुन यावर मार्ग काढु असे अजित पवार यांनी सांगितले तर जेष्ठ नागरीक निवृत्त पोलिस अधिकारी यशवंत कदम यांनी नसरापूर बाह्यमार्गासाठी सर्व्हे झाला आहे रणजित शिवतरे व विक्रम खुटवड या बाबत पाठपुरावा करत आहेत परंतु कार्यवाही होत नसल्याचे सांगितल्यावर दादांनी हो साहेब करतो असे म्हणुन नसरापूरकरांचा निरोप घेतला.