बारामतीकरांसह राज्यातील जनतेमध्ये उपमुख्यमंत्री अजित पवार यांच्या हटके अंदाजाची सध्या चर्चा रंगली आहे. शनिवारी अजित पवार यांनी बारामतीमध्ये स्वत: रिक्षा चालवत अनेकांना धक्काच दिला. पियोजिओ कंपनीने विकसित केलेली इलेक्ट्रीक रिक्षा उपमुख्यमंत्री अजित पवार यांनी स्वत: चालवून पाहिली. त्यांनी कंपनीच्या आवारात फेरफटका मारत गाडीची तपासणी केली. पियोजिओ कंपनीने सामाजिक बांधिलकीच्या उद्देशातून बारामती नगरपालिकेस तीन इलेक्ट्रीक, एक सीएनजी व एक पेट्रोलवरील अशा पाच रिक्षा दिल्या आहेत.

बदलत्या काळानुसार आता पियाजिओ व्हेईकल्स कंपनीने इलेक्ट्रीक वाहननिर्मिती संशोधन व उत्पादनांवर भर द्यावा, अशी अपेक्षा उपमुख्यमंत्री अजित पवार यांनी आज बारामती येथे व्यक्त केली. पियोजिओ कंपनीच्या वतीने सामाजिक बांधिलकीच्या उद्देशातून बारामती नगरपालिकेस तीन इलेक्ट्रीक, एक सीएनजी व एक पेट्रोलवरील अशा पाच रिक्षा अजित पवार यांच्या उपस्थितीत मोफत प्रदान करण्यात आल्या. त्या प्रसंगी पवार यांनी ही अपेक्षा व्यक्त केली. यावेळी अजित पवार यांनी स्वत: रिक्षा चालवली. पियोजिओ कंपनीने विकसित केलेली इलेक्ट्रीक रिक्षा उपमुख्यमंत्री अजित पवार यांनी स्वत: चालवून पाहिली. त्यांच्या सोबत पाठीमागे कंपनीचे अध्यक्ष दियागो ग्राफी बसले होते. पवार यांनी कंपनीच्या आवारात एक चककर मारत गाडीची तपासणी केली.

यावेळी बोलतना अजित पवार म्हणाले की, भविष्यात पेट्रोल डिझेलच्या वाहनांच्या वापरावर मर्यादा येणार आहेत, प्रदूषण टाळण्यासह स्वस्त पर्याय म्हणून इलेक्ट्रीक वाहनांचा वापर टप्याटप्याने वाढविण्यात येणार आहे. एसटी देखील या पुढे इलेक्ट्रीकवरच्याच खरेदी करण्याचा निर्णय झाला आहे, या पार्श्वभूमीवर पियाजिओ कंपनीनेही आता इलेक्ट्रीक व सीएनजी गॅसच्या वापराच्या वाहनांच्या संशोधन व उत्पादनावर भर द्यायला हवा. राज्य सरकारही या पुढील काळात प्रदूषणमुक्त राज्य करण्यासाठी इलेक्ट्रीक वाहनांना प्रोत्साहन देणार आहे.