बारामती (पुणे) : आमदार शशिकांत शिंदे यांनी त्यांना आलेल्या ऑफर संदर्भात आपण मुंबईला गेल्यानंतर त्यांच्याशी चर्चा करुन मगच या बाबत मत व्यक्त करू, असे उपमुख्यमंत्री अजित पवार यांनी सांगितले. बारामतीत रविवारी (ता.२४) पत्रकारांशी बोलताना त्यांनी ही प्रतिक्रीया व्यक्त केली.
आमदार शशिकांत शिंदे यांनी आपल्याला मंत्रिपद आणि शंभर कोटींची ऑफर भाजपकडून आली होती, असे विधान शनिवारी (ता.२४) केले, त्या संदर्भात पवार यांना विचारले असता, त्यांनी शशिकांत शिंदे यांच्याशी प्रजासत्ताक दिनानंतर गेल्यानंतर बोलून मगच मत व्यक्त करु असे सांगितले.
पवार म्हणाले, उपमुख्यमंत्री या नात्याने आमदार शिवेंद्रराजे भोसले यांच्या मतदारसंघातील विकासकामांच्या संदर्भात भेटीला आले होते, त्यांच्या कामाबाबत मंत्रालयात बैठक लावतो असे मी त्यांना सांगितले आहे. मी विरोधात होतो तेव्हा माझ्या मतदारसंघातील कामे मी त्या वेळेसच्या राज्यकर्त्यांकडे घेऊन जात होतो, असे सांगत यात काहीही राजकारण नसल्याचेच पवार यांनी नमूद केले.
सार्वजनिक आरोग्य विभाग, वैद्यकीय शिक्षण विभाग व पोलिस विभागात लोकांचे आरोग्य व कायदा सुव्यवस्था राखण्यासाठी भरती गरजेची आहे, अनेक ठिकाणी आता लोक कामाला नाहीत, त्यामुळे कोणताही घटक नोकरीपासून वंचित राहणार नाही, यासाठी उद्धव ठाकरेंच्या नेतृत्वाखालील महाविकास आघाडीचे सरकार योग्य निर्णय घेत आहे. कोणत्याही समाज किंवा घटकाला नोकरभरतीत वंचित ठेवले जाणार नाही अशा पध्दतीने सरकार त्यातून मार्ग काढेल, असेही पवार यांनी नमूद केले.
- पुण्याच्या बातम्या वाचण्यासाठी येथे ► क्लिक करा
(Edited by: Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.