मंचर - पुणे- नाशिक राष्ट्रीय महामार्गावर मंचर जवळ पेठ तालुका आंबेगाव येथे मंगळवारी तारीख 18 रोजी कल मोडी धरणाचे पाणी सातगाव पठारला मिळावे व डिंभे धरणातील नियोजित बोगद्याचे काम रद्द करावे या मागणीसाठी शिवसेनेचे पुणे जिल्हा परिषद माजी गटनेते देविदास दरेकर यांचे नेतृत्वाखाली भर पावसात शेतकऱ्यांनी आंदोलन केले.

हा प्रश्न मार्गी न लागल्यास गनिमी काव्याची पद्धत वापरून पोलीस व शासकीय यंत्रणेला पूर्व सूचना न देता कलमोडी व डीभे धरणाच्या पाण्यात शेतकरी उड्या मारतील असा इशारा दरेकर यांनी दिला आहे.

आंदोलनाच्या निमित्ताने येथे मोठ्या प्रमाणात पोलीस बंदोबस्त तैनात करण्यात आला होता. पुणे नाशिक रस्त्यावर पेठ चौकातच शेतकऱ्यांनी रास्ता रोको आंदोलन केले. यावेळी शेतकऱ्यांच्या भावना तीव्र होत्या.

आंदोलनाला शेतकऱ्यांचा मोठा प्रतिसाद मिळाला. तब्बल एक तास आंदोलकांनी आपल्या व्यथा येथे मांडल्या. भाऊसाहेब सावंत पाटील, रवींद्र तोतरे,अशोक धुमाळ गणपतराव कराळे यांनी आंदोलकाच्या वतीने सविस्तर माहिती दिली. यावेळी शेतकऱ्यांच्या भावना तीव्र होत्या.

रास्ता रोको आंदोलनाला उत्स्फूर्त प्रतिसाद मिळाला. खेड विभागाचे उपविभागीय पोलीस अधिकारी सुदर्शन पाटील यांच्या नेतृत्वाखाली येथे तगडा बंदोबस्त होता आंबेगाव तालुक्याचे नायब तहसीलदार सचिन वाघ यांनी मागण्यांचे निवेदन स्वीकारले. आंदोलन शांततेत पार पडले.

सविस्तर वृत्त लवकरच...