UPR२५B०७१८७
पंढरपूर ः माजी मंत्री धनंजय मुंडे यांनी श्री विठ्ठलाचे दर्शन घेतले. याप्रसंगी उपस्थित पदाधिकारी.

माझ्यावर जाणीवपूर्वक संकट आणली
माजीमंत्री धनंजय मुंडे; पंढरपूर येथे घेतले श्री विठ्ठल दर्शन

सकाळ वृत्तसेवा
पंढरपूर, ता. १ ः जुने वर्ष संपले. त्याबरोबरच आलेली संगळी संकटही संपली आहेत. पण मागील वर्षात माझावर अनेक लोकांनी जाणीवपूर्वक संकट आणली, असा आरोप माजी मंत्री धनंजय मुंडे यांनी केला आहे.
मुंडे यांनी नुकतेच श्री विठ्ठल रुक्मिणी दर्शनासाठी पंढरपुरात आले होते. दर्शन घेतल्यानंतर त्यांनी पत्रकारांशी संवाद साधला. येणारे नवीन वर्ष राज्यातील प्रत्येक माणसाला सुखाचे समृद्धीचे जावे, असे साकडे आपण विठुरायाच्या चरणी घातल्याचेही मुंडे यांनी सांगितले. ते म्हणाले, संकट ही देवावरदेखील आली होती. प्रारब्ध कोणालाही चुकले नाही. आपण तर माणूस आहोत. जुन्या वर्षामध्ये काही लोकांनी जाणीवपूर्वक मला अडवायचे म्हणून संकट आणली गेली. ती नैसर्गिक संकटे नव्हती तर जाणूनबुजून मला संकटात टाकायचे म्हणून ती आणली गेली. जुने वर्ष संपले. त्याबरोबर आलेली संकटही आता संपली आहेत. बऱ्याच वर्षानंतर आज विठुरायाचे दर्शन झाले. अत्यंत समाधान वाटले. शेतकऱ्यांवरची सर्व संकटे टळू दे. महाराष्ट्रातील प्रत्येक माणसाची प्रगती होऊ दे. त्याचबरोबर नवीन वर्ष सुखाचे समाधानाचे जावू दे, असे श्री विठ्ठलाला साकडे घातले आहे. यावेळी मंदिर समितीच्या वतीने मुंडे यांचा सत्कार करण्यात आला.