पुणे - जागोजागी उपलब्ध "हॅंड सॅनिटायझर'मुळे हातांचे निर्जंतुकीकरण करता येते. पण सोबत बाळगलेले लॅपटॉप, मोबाईल, बॅग आदी वस्तूंसह फळे, भाज्याचे निर्जंतुकीकरण कसे करायचे, असा प्रश्‍न तुमच्या समोर असेल. तर आता यासाठी पुण्यीतल मेश्राम बंधूंनी अतिनील किरणांवर आधारित एक संयंत्र विकसित केले आहे. ज्यामुळे अशा निर्जंतुकीकरणाची प्रश्‍न चुटकीसरशी सुटणार आहे. 

ताज्या बातम्यांसाठी डाऊनलोड करा ई-सकाळचे ऍप   

सुक्ष्मजीवांच्या "डीएनए'त बिघाड करण्याचे काम अतिनील किरणे करतात. अभियंता असलेल्या श्रीकांत आणि आनंद मेश्राम यांना याची कल्पना नसेल तर नवलच. त्यांनी याचाच आधार घेत मेक इन इंडिया अंतर्गत सुरू केलेल्या "व्हीएचआयएल इलेक्‍ट्रॉनिक्‍स' या कंपनीच्या माध्यमातून "गो कोरोना वॅन्ड' या निर्जंतुकीकरण संयंत्राची निर्मिती केली आहे. आनंद मेश्राम म्हणाले,""पदार्थांच्या पृष्ठभागाचे निर्जंतुकीकरण करण्यासाठी जगभरात अतिनील किरणांवर आधारित संयंत्राचा वापर करण्यात येतो. देशातही असे संयंत्र निर्माण करण्याचा आमचा प्रयत्न होता. पूर्णतः स्वदेशी बनावटीचे असलेले हे संयंत्र विकसित करण्यात आम्हाला यश आले आहे. यासाठी सर्टिफाय असलेला चांगल्यादर्जाचा अतिनील किरणांचा स्त्रोत वापरला आहे.'' शास्त्रीय दृष्ट्या स्वयंपूर्ण या संयंत्राच्या सर्टिफिकेशनसाठी आम्ही प्रयत्न करत असल्याचेही मेश्राम यांनी सांगितले. 

पुण्याच्या बातम्या वाचण्यासाठी येथे ► क्लिक करा

संयंत्र दृष्टिक्षेपात -
- फळे ठेवण्यासाठी फ्रिजसारखे आणि हाताने फिरवता येणारे पोर्टेबल अशा दोन प्रकारची संयंत्रे. 
- एका मिनिटात निर्जंतुकीकरण होते. 
- 253.5 नॅनोमीटर तरंगलांबी असलेल्या स्रोतांचा वापर. 
- वस्तूवर फिरवताना 2 ते 3 सेकंदांचा वेळ आवश्‍यक. 
- सुरक्षिततेसाठी हातात मोजे आणि डोळ्यावर गॉगल्स लावणे आवश्‍यक. 
- लहान मुले आणि डोळ्यांची विशेष काळजी घ्यावी.