पुणे - शहरात समान पाणीपुरवठा योजनेचे काम पुणे महापालिकेकडून सुरू आहे. महापालिकेच्या हद्दीत नव्याने समाविष्ट झालेल्या ११ गावांसह भविष्यात समाविष्ट होणारी २३ गावे, अशा एकूण ३४ गावांमध्येही या योजनेच्या अंमलबजावणीसाठी सविस्तर प्रकल्प अहवाल (डीपीआर) तयार करण्याचा निर्णय घेतला आहे. त्यासाठी सल्लागार नेमण्याचा प्रस्ताव पाणीपुरवठा विभागाकडून तयार करण्यात येत आहे.

आता बातम्या ऐकण्यासाठी डाऊनलोड करा ई-सकाळचे ऍप 

लोहगाव, शिवणे, मुंढवा, हडपसर, साडेसतरा नळी, आंबेगाव (खुर्द), उंड्री, धायरी, आंबेगाव (बुद्रुक), उरुळी देवाची, फुरसुंगी ही गावे यापूर्वी महपालिकेच्या हदीत समाविष्ट झाली आहेत. आणखी २३ गावे समाविष्ट होण्याच्या प्रतीक्षेत आहेत. 

या गावांमध्ये समान पाणीपुरवठा प्रकल्पाचे डिझाइन, देखरेख आणि प्रकल्प व्यवस्थापन इत्यादी कामे निवडण्यात येणाऱ्या सल्लागार कंपनीकडून करून घेण्यात येणार आहेत.
समाविष्ट गावांमध्ये भविष्यात या योजनेची अंमलबजावणी कशी करता येईल, सध्या या गावांमध्ये असलेले पाणीपुरवठा यंत्रणेविषयी माहिती मिळण्यासाठी ‘डीपीआर’ तयार करायचा आहे. 

त्यानंतर सविस्तर माहिती मिळू शकेल, असे पाणीपुरवठा विभागाचे प्रमुख अनिरुद्ध पावसकर यांनी सांगितले.