Celebrate Diwali With Seed Crackers : दिवाळीला (Diwali)फटाके फोडणं हा सगळ्यांच्या आवडता छंद, पण या फटाक्यांमुळे होणाऱ्या ध्वनी प्रदूषण आणि वायू प्रदूषणाचा फटका सुद्धा आपल्यालाच बसतो. त्यामुळे यंदाच्या दिवाळीला सीड्स क्रॅकरचा वापर करून ग्रीन दिवाळी साजरी करूया. (Eco Friendly Diwali Celebration)

हे फटाके कुंडीत टाकले आणि त्यावर पाणी टाकलं की झाडं उगवत. हे इकोफ्रेंडली सीड्स क्रॅकर्स असून,. वाढत्या ध्वनी प्रदूषण आणि वायू प्रदूषणाला (Air Pollution) आळा घालण्याऱ्या फटाक्यांवर एक चांगला तोडगा आहे.

इकोक्रेडल या कंपनीने या सीड क्रॅकर्सची निर्मिती केली असून, हे फाटाके हुबेहूब फटाक्यांसारखे दिसतात. त्यामुळे बच्चे कंपनीच्या चेहऱ्यावर आनंद येणारंच म्हणून समजा. विशेष म्हणजे या फटाक्यांमध्ये दारूगोळयाचा वापर करण्यात आलेला नाही.

त्याऐवजी यात वेगवगेळ्या बियांचा वापर करण्यात आला आहे. जसे की, भूईचक्रामध्ये कांदा, लक्ष्मीबॉम्बमध्ये काकडी, पाऊस म्हणजे झाडामध्ये चिंच, अशा वेगवगेळ्या बियांचा या फटाक्यांमध्ये टाकण्यात आल्या आहेत.

हे फटाके डायरेक्ट कुंडीत झाड लावतो त्याप्रमाणे लावायचे आणि त्यावर पाणी टाकायचं थोड्याच दिवसात या कुंडीतून छान रोप उगवेल. महत्वाची गोष्ट या फायाक्यांची निर्मिती कंपनीने बचत गटाच्या महिलांकडून करून घेतले आहे. जेणेकरून त्यांच्या कुटुंबियांना दिवाळी देखील गोड होईल.

त्यामुळे तुम्हीदेखील जागरूक नागरिक म्हणून दारूगोळा असलेल्या फटाक्यांऐवजी सीडयुक्त फटाक्यांनी दिवाळी साजरी करू शकता. जेणेकरून यंदाची दिवाळी ही सुरक्षित आणि प्रदूषण फ्री होईल.