पुणे : पुणेकरांनो, तुमच्या भागातली दुकाने उघडलीत, तुम्ही रस्त्यांवरून फिरू लागलात, पोलिसही हटकत नाहीत, म्हणून उगाचच कुठेही फिरू नका...कारण 'इथे कोरोना रुग्ण आहे, मग तुम्हीच ठरवा पुढे काय करायचे? हे आता अधिक ठळकपणे आणि खरं तर लेखीच तुमच्या डोळ्यांपुढे ठेऊन महापालिका तुम्हाला वेळीच सावध करतेय...
पुण्यातल्या लॉकडाऊनमध्ये थोडीशी कुठे सवलती मिळाली अन् रस्तोरस्ती लोकांची गर्दी होऊ लागलीय. एवढंच काय ? कोरोना संशयितांची वावर वाढलाय...हातवर 'क्वारंटाईनचा' शिक्का असूनही काहीच जण त्यावर रामबाण उपाय म्हणून ज्या कुठच्या भागांत कोरोनाचे रुग्ण आहेत, त्या परिसरात आणि अगदी रुग्णांच्या घराच्या दारावर आणि तिथल्या चौकातच 'इथे फिरकू नका, इथे कोरोना रुग्ण आहे,' अशा आशयाचे स्टिकर आणि रुग्णांच्या घरालगतच्या मार्गांवर काही तसे पत्रक लावले जाणार नाही. मात्र, त्यावर रुग्ण आणि त्याबाबतची माहिती दिली जाणार नाही, असे महापालिका प्रशासनाकडून स्पष्ट करण्यात आले आहे.
पुण्याच्या बातम्या वाचण्यासाठी येथे ► क्लिक करा
शहरात बाधित क्षेत्र वगळता अन्य भागांतील व्यवहार सुरू करण्यात आले आहेत. मात्र, अत्यावश्यक कामांसाठी नागरिकांनी बाहेर यावे अन्यथा येऊ नये, अशा सूचना केल्या आहेत. तरीही सर्रास लोक घराबाहेर येत असल्याचे दिसून आले. त्यामुळे कोरोनाचा संसर्ग वाढण्याची भीती आहे. त्यात रोज नव्या रुग्णांच्या संख्येत मोठी भर पडत असल्याचेही आकडे पुढे येत आहेत.
पुण्याच्या बातम्या वाचण्यासाठी येथे ► क्लिक करा
प्रादुर्भाव रोखण्यासाठी एवढे प्रयत्न करूनही रुग्ण वाढत आहेत आणि लोक रस्त्यांवर येत असल्याने आता त्या-त्या भागांतील रुग्णांच्या घरांच्या दारांवर छोटेखानी स्टिकर आणि अन्य शक्य त्या ठिकाणी म्हणजे, रस्ते, चौकात बॅनर लावण्याचे नियोजन महापालिका करीत आहे. त्यामुळे नागरिक घराबाहेर येण्याचे धाडस करणार नाहीत, याची आशा महापालिकेला आहे.
महापालिकेच्या अतिरिक्त आयुक्त रुबल अग्रवाल म्हणाल्या, "पुणे शहरात कोरोनाचा रुग्णांची संख्या कमी करणे हेच उद्दिष्ट आहे. त्यासाठी आता रुग्णांच्या घराच्या दारावर स्टिकर्स लावले जातील. ज्यामुळे या आजाराचा संसर्ग होणार नाही. या मोहिमेबाबत चर्चा झाली आहे; त्याची अंमलबजावणी करणार आहोत. बाधित क्षेत्रासह सर्वत्र हा उपाय करण्यात येईल.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.