विवाहितेचा छळ; गुन्हा दाखल
राहुरी : चारचाकी वाहन खरेदी करण्यासाठी माहेरून पाच लाख रुपये आणावेत, या मागणीसाठी महिलेचा छळ करण्यात आला. याप्रकरणी राहुरी पोलिस ठाण्यात सासरच्या नऊ जणांच्या विरोधात गुन्हा नोंदविण्यात आला. आलीम चाँद मिस्तरी (पती), चाँद हुसेन मिस्तरी, नजीमा चाँद मिस्तरी, राजू चाँद मिस्तरी, अश्पाक चाँद मिस्तरी, शप्पी नजीर मिस्तरी, तस्लीम राजू मिस्तरी, हिना अश्पाक मिस्तरी आणि फरजाना सलीम मिस्तरी (सर्वजण रा. साकूर मांडवे, ता. संगमनेर) अशी आरोपींची नावे आहेत. अस्मा अलीम मिस्तरी (वय ३५, हल्ली रा. मोमिन आखाडा) यांनी फिर्याद दाखल केली आहे.