पुणे

वाहतूक कोंडी फोडण्यासाठी त्रिसूत्री - डॉ. व्यंकटेशम 

सकाळवृत्तसेवा

पुणे - अद्ययावत तंत्रज्ञान, अंमलबजावणी व लोकशिक्षण या त्रिसूत्रीच्या आधारे शहरातील वाढती वाहतूक कोंडी व अपघातांचे प्रमाण कमी करण्यावर पोलिस प्रशासनाचा भर असेल. वाहनचालकांना दंड आकारणे, कारवाई करणे हा पोलिसांचा उद्देश नाही. मात्र, नागरिकांनीही वाहतुकीबाबत स्वयंशिस्त पाळली पाहिजे, असे मत पोलिस आयुक्त डॉ. के. व्यंकटेशम यांनी शुक्रवारी व्यक्त केले. 

पुणे श्रमिक पत्रकार संघातर्फे डॉ. व्यंकटेश यांच्याशी वार्तालाप आयोजित केला होता. या वेळी गुन्हे शाखेचे पोलिस उपायुक्त शिरीष सरदेशपांडे, पत्रकार संघाचे अध्यक्ष राजेंद्र पाटील व इतर, पदाधिकारी उपस्थित होते. 

डॉ. व्यंकटेशम म्हणाले, ""नागरिकांना तक्रार नोंदविण्यासाठी पोलिसांनी व्हॉट्‌सऍप क्रमांक दिला असून, त्यावर दररोज 30 ते 40 तक्रारी येतात. सर्वाधिक तक्रारी वाहतुकीच्या असतात. वाहतूक कोंडीमुळे रुग्ण वेळेत रुग्णालयात पोचत नसल्याने मृत्यूही वाढत आहेत. त्यामुळेच वाहतूक सुरळीत करण्यासाठी प्रयत्न सुरू आहेत. वाहतुकीच्या नियमांचे उल्लंघन करणाऱ्यांवर कारवाई करण्याबरोबरच पीएमपीएलच्या बस बंद पडण्याचे प्रकार थांबविण्यासाठी प्रयत्न सुरू आहेत. त्यासाठी महापालिका, पीएमपीएल प्रशासनाचे सहकार्य घेतले जाईल.'' 

डॉ. व्यंकटेशम म्हणाले... 
- "कोअर पोलिसिंग'वर भर देणार 
- नागरिकांशी सतत संवाद ठेवला जाईल 
- पोलिसांच्या "स्किल डेव्हलपमेंट'साठीही प्रयत्न 
- समस्या निराकरणासाठी आयटी कंपन्या, शिक्षण संस्था, स्वयंसेवी संस्थांचे सहकार्य घेणार 
- तडीपार गुंडांवर कारवाईसाठी विशेष प्रयत्न करणार 
- सायबर पोलिस ठाण्याचे काम लवकरच सुरू होणार 
- भाडेकरूंची ऑनलाइन नोंदणी केल्यास पोलिसांना पुन्हा अर्ज देण्याची गरज नाही 
- ज्येष्ठांच्या सोईसाठी भाडेकरू नोंदणी "ऑफलाइन'बाबत विचार करू 
- पोलिसांच्या आरोग्य व घरांसाठी प्रयत्न करणार 
- "लॉस्ट अँड फाउंड'साठी दिल्लीच्या धर्तीवर तंत्रज्ञान वापरू 

पोलिसांवर हात उचलणाऱ्यांवर कडक कारवाई 
पोलिसांशी उद्धट वर्तन करण्यापासून त्यांना मारहाण करण्याचे प्रकार वाढत आहेत. अशा लोकांवर कायदेशीरदृष्ट्या अधिक शिक्षा व्हावी, यासाठी न्यायालयांना विनंती केली जाईल. त्यामुळे हे प्रकार थांबतील. 

शहरी नक्षलवाद, कट्टरतावादी संघटनांकडून लोकशाहीविरोधी कारवाया केल्या जातात. कोणत्याही शहरात अशा कारवाया होऊ नयेत. लोकशाहीविरोधी कारवाई होत असेल, तर आम्ही त्यांची गांभीर्याने दखल घेऊ. 
- डॉ. के. व्यंकटेशम, पोलिस आयुक्त 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT