पुणे :  दिवाळीच्या खरेदीची लगबग आणि जोडून आलेली शनिवार आणि रविवारची सुटी, यामुळे शनिवारी शहरातील विविध भागात वाहतूक कोंडी झाली होती. विशेषतः शहराच्या मध्यवर्ती भागातील रस्त्यावर जास्त वाहतूक कोंडी झाली होती. बाजीराव रस्ता, लक्ष्मी रस्ता, शिवाजी रस्ता, मध्यवर्ती भागातील पेठा यासह अनेक भागातील रस्त्यावर गर्दी होती. 

क्‍कन, एफसी रस्ता, कर्वे रस्ता, सिंहगड रस्ता, सदाशिव पेठ, स्वारगेट परिसर या भागात मोठ्या प्रमाणात वाहतूक कोंडी झाल्याचे चित्र होते. दिवाळीस अवघे दोन दिवस बाकी असताना व लागोपाठ आलेल्या दोन दिवसाच्या सुट्यामुळे नागरिक खरेदीसाठी बाहेर पडली होती. त्याचबरोबर दिवाळीच्या वस्तूंची विक्री करणारे काही दुकानेही अगदी रस्त्याच्याकडेला असल्याने त्या ठिकाणी नागरिकांची गर्दी होऊन वाहतूक कोंडी होत आहे.