खडकवासला : धरणातून सोडण्यात आलेले‌ पाण्याचे प्रमाण, त्याच्या वेळा आणि नदीकाठच्या नागरिकांना सूचित करण्याची खबरदारी यामध्ये जलसंपदा विभाग आणि महापालिका प्रशासनाकडून कमालीची हेळसांड झाली. परिणामी गुरुवार, दि.२५ जुलै रोजी रोजीच्या पावसात नदीकाठच्या नागरिकांचे अतोनात नुकसान झाले आहे. असा आरोप खासदार सुप्रिया सुळे यांनी केला असून बाधित कुटूंबियांना सरकारने तातडीने मदत पुरवावी, अशी मागणी त्यांनी केली आहे.

वारजे तपोधाम सोसायटी, स्मशानभूमी, शिवणे पंढरीनाथ नगर, इंगळे कॉलनी, उत्तमनगर परिसरातील इंदिरा वसाहत, मासे आळी, कृष्णा रेसिडेन्सी अतिवृष्टी मुळे झालेल्या परिस्थितीची खासदार सुळे यांनी शुक्रवारी रात्री पाहणी केली. घटनास्थळी जाऊन आपदग्रस्त नागरिकांना भेटून‌ त्यांचे मनाने ऐकून घेतले. यावेळी त्यांच्या समावेत काका चव्हाण, सुरेश गुजर, सचिन दोडके, अतुल दांगट, त्रिंबक मोकाशी, अनिता इंगळे,‌ प्रशांत लांडगे, स्वप्निल दुधाने, सचिन बराटे, विकास दांगट, खुशाल करंजावणे, संजय दोडके, वारजे, कर्वेनगरचे सहायक आयुक्त विजय नायकल यांच्यासह अनेक कार्यकर्ते पालिकेचे अधिकारी उपस्थित होते.

ही बाब लक्षात येताच खासदार सुप्रिया सुळे यांनी लोकसभेचे अर्थसंकल्पीय अधिवेशन सोडून तातडीने पुण्यात येऊन आज दुपारी या भागातील नागरिकांची भेट घेत त्यांना दिलासा दिला. तसेच त्यांच्या समस्या जाणून घेत सरकारने या अडचणीच्या काळात कसलेही राजकारण न करता नागरिकांना तातडीची मदत करावी, अशी मागणी केली.

• -खंडित झालेला वीज पुरवठा तातडीने पूर्ववत करण्याबची मागणी

• -नागरिकांना एक महिन्याचे धान्य, कपडे आणि अन्य जीवनावश्यक वस्तू द्या

• -सर्वसामान्य नागरिकांनीही नागरिकांना मदतीसाठी पुढे यावे,

• -बाधित नागरिकांना पुरविल्या जाणाऱ्या मदतीवर देखरेख ठेवावी

• -संकटकाळात मदत देण्यासाठी छावणी(कँप)ची उभारणी करा