खडकवासला : माती घेऊन निघालेल्या डंपरला आज बुधवारी सकाळी साडेनऊ वाजता शॉर्टसर्किटमुळे आग लागली होती. ही घटना वारजे बहुली रस्त्यावर खडकवासला धरणाच्या कोपरा कोठी जवळ घडली आहे. यामुळे या रस्त्यावरील वाहतूक सुमारे पाऊण तास बंद होती.

पीएमआरडीए’ च्या अग्निशामक दलात वतीने दिलेल्या माहितीनुसार, वारजे येथून माती घेऊन डंपर MH13-CU5694 हा कुठे गावाच्या दिशेने जात होता. यावेळी खडकवासला फाटा सोडल्यानंतर गाडी चालू असताना डंपरच्या केबिन मधील वायरिंग शॉर्ट सर्किट होऊन आग लागली.

अशी माहिती डंपर चालक गोविंद चौरे यांनी दिली. या घटनेच्या वेळी चालत एकटा डंपरमध्ये होता. आग लागल्याचे समजताच त्याने डंपर बाजूला घेऊन चालक गाडीतून खाली उतरला. डंपरला आग लागल्यामुळे दोन्ही बाजूची वाहने मागे सुरक्षित अंतरावर थांबली होती. ही वाहतूक सुमारे पाऊण तास बंद होती.

या आगीमध्ये डंपरचे केबिन पूर्ण जळाले असून त्याचे पुढील टायर तसेच डिझेलची टाकी देतील सुरक्षित आहे. नागरिकांनी माहिती कळविताच पी एम आर डी ए चा अग्निशामक घटनास्थळी पोहोचला त्यावेळी आग ही डंपरच्या चाकाच्या टायर पर्यंत आली होती.

आगीवर नियंत्रण मिळवले. त्यानंतर कुलिंग केल्यानंतर वाहतूक सुरळीत केली.अशी माहिती नांदेड सिटीतील अग्निशामक चे फायरमन श्रीकांत आढाव यांनी सांगितले. त्यांच्यासोबत अक्षय तांबे, प्रतीक क्षीरसाट होते. त्याचबरोबर महापालिकेचा सनसिटी येथील अग्निशामक दल देखील घटनास्थळी पोहोचले होते. उत्तमनगरचे पोलीस देखील घटनास्थळी पोचले होते.