वाघोली - खडी वाहतूक करणाऱ्या डंपरची केबीन व पुढील टायर आग लागून जळाल्याची घटना पुणे नगर महामार्गावर लोणीकंद येथे मंगळवारी सायंकाळी सात वाजण्याच्या सुमारास घडली. शॉर्ट सर्किट मुळे ही आग लागली.

केबिन मध्ये शॉर्ट सर्किट झाल्याने डंपरने अचानक पेट घेतला. ही आग काही वेळेतच चांगली भडकली. यामध्ये केबिन व पुढील टायर जळून खाक झाले. वाघोली अग्निशामक दलाच्या वाहनातील कर्मचारी अल्ताफ पटेल, मयूर गोसावी, विकास पालवे, महेश पाटील यांनी ही आग काही वेळेतच आटोक्यात आणली.

नितीन येळे यांच्या मालकीचा हा डंपर होता. यामध्ये कोणतीही जीवितहाणी झाली नाही. १५ फेब्रुवारीला पहाटे चाणक्य ट्रॅव्हल्स ची खाजगी बस वाघोलीत जळून पूर्ण पणे खाक झाली होती. त्यानंतर मंगळवारी डंपर जळाल्याची घटना घडली.