पुणे - आरोग्य, शिक्षण आणि आर्थिक नियोजन हे दैनंदिन जीवनाचे अविभाज्य घटक आहेत. ‘कोरोना’ने प्रथम आरोग्यावर हल्ला चढविला त्यामुळे शैक्षणिक काम थांबवावे लागले. दैनंदिन व्यवहार बंद झाल्याने व्यावसायिकांसह नोकरदार आणि उद्योजकांवरही आर्थिक दुष्परिणाम जाणवण्याची शक्यता आहे. हातावरचे पोट असणाऱ्यांपासून नोकरदारापर्यंत सर्वांना नव्याने नियोजन करावे लागणार आहे. म्हणूनच आपत्कालीन परिस्थितीत आपले नियोजन काळजीपूर्वक करण्याचा सल्ला अर्थतज्ज्ञ देत आहेत.
छोट्या, मोठ्या व्यावसायिकांनी परिस्थिती मान्य केली आहे. त्यामुळे ते सरकारी, वैद्यकीय यंत्रणेला सहकार्य करत आहेत. या सर्वांनीच पुढच्या काही दिवसांचे खर्चाचे नियोजन केलेले असते. मात्र, दैनंदिन उत्पन्न बंद झाल्यास मोठे संकट उभे राहाते. दुकान बंद झाल्यास कामगारांना पगार देता येत नाहीत. हॉटेल मालकांची तारांबळ होते. काही व्यावसायिकांचे ग्राहक तुटण्याची शक्यता असते. ही साखळी नव्याने उभी करताना भविष्यात त्रास होऊ शकतो. त्यामुळे सर्वांनी पूर्वनियोजन करावे, असा सल्ला अर्थतज्ज्ञ चकोर गांधी यांनी दिला. साधारण महिनाभर आपण तग धरून राहू शकू, असे नियोजन करण्याचा सल्ला त्यांनी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.