पुणे : लोकसभा निवडणुकीची आचारसंहिता लागू होऊन 72 तास होत असल्याने राजकीय पक्षांचे झेंडे, फलक, बॅनर काढण्याचे आदेश महापालिका आयुक्त सौरभ राव यांनी आकाशचिन्ह व परवाना विभागाला दिले आहेत. 

राजकीय पक्षांचे फलक उतरविण्यास दुर्लक्ष केल्याने संबंधित खात्याच्या अधिकाऱ्यांची आयुक्त राव यांनी कानउघाडणी केली. शहरात आदर्श आचारसंहितेची प्रभावी अंमलबजावणी करण्याच्या सूचना जिल्हाधिकारी नवल किशोर राम यांनी महापालिकेच्या निवडणूक निर्णय अधिकाऱ्यांना दिल्या आहेत.

दरम्यान, आयुक्त राव यांच्या आदेशानुसार राजकीय पक्षांचे झेंडे, फलक काढण्याची मोहीम आकाशचिन्ह व परवाना विभागाने हाती घेतली आहे.