दौंड (पुणे) : दौंड शहरातील राज्य राखीव पोलिस दल (एसआरपीएफ) गट क्रमांक सातमधील आठ जवान कोरोनामुक्त झाले आहेत; तर दोन जवानांना कोरोनाची लागण झाली आहे. त्यांना उपचारार्थ पुणे येथे रवाना करण्यात आले आहे. त्यामुळे दौंड तालुक्यातील बाधितांची संख्या 19 झाली आहे, अशी माहिती दौंड उप जिल्हा रुग्णालयाचे अधीक्षक डॉ. संग्राम डांगे यांनी आज (ता. 13) दिली.
दरम्यान, 1 मे रोजी ज्या आठ पोलिसांना बाधा झाली होती, त्यांनी उपचार घेत कोरोनावर मात केल्यानंतर त्यांचे आज गट मुख्यालयात पोलिस बॅण्डच्या सुरांनी व पुष्पवृष्टीने स्वागत करण्यात आले. गटाचे समादेशक श्रीकांत पाठक, वैद्यकीय अधिकारी डॉ. वैशाली खान, सहायक समादेशक पी. बी. दडस, वरिष्ठ निरीक्षक पी. व्ही. पारखे, पोलिस कल्याण अधिकारी सचिन डहाळे, श्री. शेळके, नगरसेवक प्रमोद देशमुख आदी या वेळी उपस्थित होते. या आठ पोलिसांना होम क्वारंटाइन करण्यात आल्याची माहिती वैद्यकीय अधिकारी डॉ. वैशाली खान यांनी दिली.
पुण्याच्या इतर बातम्या वाचण्यासाठी येथे क्लिक करा
दौंड तालुक्यातील दहिटणे येथील पहिले कोरोनाबाधित 70 वर्षीय नागरिक पुणे येथे उपचार घेत आहे. त्यांची प्रकृती स्थिर असून, त्यांच्या घशातील स्त्रावाचा नमुना तपासणीसाठी पाठविण्यात आले आहेत. तालुक्यातील 19 बाधितांपैकी 18 पोलिस एसआरपीएफ गट क्रमांक सातमधील असून, एक व्यक्ती दहिटणे येथील ज्येष्ठ नागरिक आहे, अशी माहिती तालुका आरोग्य अधिकारी डॉ. अशोक रासगे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.