पुणे - पुण्यातील आणखी आठ विद्यार्थी (Students) गेल्या दोन दिवसात युक्रेनमधून (Ukraine) पुण्यात (Pune) परतले आहेत. हे विद्यार्थी बुधवारी व गुरुवारी परतले (Return) आहेत. याआधी चार विद्यार्थी परत आलेले असल्याने, आतापर्यंत परतलेल्या एकूण विद्यार्थ्यांची संख्या आता बारा झाली असल्याची माहिती गुरुवारी (ता.३) जिल्हाधिकारी कार्यालयातून देण्यात आली.

गेल्या रविवारी म्हणजेच २७ फेब्रुवारीला पुण्यातील चार विद्यार्थी युक्रेनवरून परत आले होते. गेल्या दोन दिवसात परत आलेल्या विद्यार्थ्यांमध्ये ऋतुजा शिर्के, मानसी करंजकर, पियुष थोरात, गायत्री फटांगरे, मयूर मंडले, विशाल मोरे, तोबीन कोशाय, जान्हवी सांडभोर या आठ विद्यार्थ्यांचा समावेश आहे. याआधी परतलेल्या चार विद्यार्थ्यांमध्ये निधी जगताप, सुश्मिता राठोड, श्रुती लोहोकरे आणि सिद्धी नाईक यांचा समावेश आहे.

पुणे शहर व जिल्ह्यातील सुमारे १०० विद्यार्थी वैद्यकीय शिक्षण घेण्यासाठी युक्रेनमध्ये गेले असल्याचा प्राथमिक अंदाज जिल्हा प्रशासनाकडून वर्तविण्यात आला आहे. यापैकी आतापर्यंत अवघे बारा विद्यार्थी परतले आहेत.