पुणे - गुंतवणुकीवर जादा व्याजदर देण्याचे आमिष दाखवून एकाने वृद्ध दाम्पत्याची तब्बल ६५ लाख रुपयांची फसवणूक केल्याचा प्रकार पुढे आला आहे. याप्रकरणी आर्थिक गुन्हे शाखेच्या पोलिसांनी फसवणूक करणाऱ्यास अटक केली.
- पुण्याच्या बातम्या वाचण्यासाठी येथे ► क्लिक करा
पंकज भागचंद छल्लाणी (रा. ओमशांती अपार्टमेंट, मुकुंदनगर, स्वारगेट) असे अटक केलेल्या व्यक्तीचे नाव आहे. याप्रकरणी रिचर्ड अंची (वय ५८, रा. भोसलेनगर, गणेशखिंड रस्ता) यांनी स्वारगेट पोलिस ठाण्यात फिर्याद दिली. अंची दांपत्याच्या ओळखीतील एका महिलेने फिर्यादीला तिचा भाऊ पंकज छल्लाणी हा त्याच्याकडे गुंतवणूक केल्यास दरमहा १८ ते २४ टक्के इतके व्याज मिळेल, असे आमिष दाखविले. जादा व्याजदर मिळत असल्यामुळे फिर्यादींनी त्यास प्रतिसाद दिला. त्यानुसार, त्यांनी २०१४ ते २०१८ या कालावधीत छल्लाणीकडे ६५ लाख रुपयांची रक्कम गुंतविली. प्रारंभी काही काळ त्यांनी जादा व्याजदराची रक्कम दिली. त्यानंतर मात्र परतावा दिला नाही.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.