पुणे-सोलापूर राष्ट्रीय महामार्गाच्या मळद (ता. दौंड) येथील सेवा रस्त्यावरून पायी जाणाऱ्या ज्येष्ठ नागरिकाला एका पांढर्या रंगाच्या स्कुटीने पाठीमागून धडकेने गंभीर जखमी झाल्याने ज्येष्ठ व्यक्तीचा मृत्यू झाला.
कुरकुंभ - पुणे-सोलापूर राष्ट्रीय महामार्गाच्या मळद (ता. दौंड) येथील सेवा रस्त्यावरून पायी जाणाऱ्या ज्येष्ठ नागरिकाला एका पांढर्या रंगाच्या स्कुटीने पाठीमागून धडकेने गंभीर जखमी झाल्याने ज्येष्ठ व्यक्तीचा मृत्यू झाला. अपघात गुरूवारी ( ता. 22 ) उशिरा झाला.
मळद येथील पद्मावती मंदिराजवळून सेवा रस्त्याच्या बाजूने पायी चाललेले अप्पा बाबुराव साळवे (वय 70, रा. मळद, ता. दौंड.) यांना पाठीमागुन येणारी स्कुटी मोटार सायकलने (एमएच.,12, एससी. 0262) धडक दिली. स्कुटीवरील अज्ञात चालकाने त्यांचे ताब्यातील स्कुटी भरधाव वेगात चालवून व नियमांकडे दुर्लक्ष करून अप्पा बाबुराव साळवे यांना पाठीमागून जोरात धडक दिली. या अपघातात अप्पा साळवे किरकोळ व गंभीर जखमी झाल्याने त्यांचा मृत्यू झाला.
अपघात झाल्यानंतर अज्ञात स्कुटीचालक पळून गेला. यासंदर्भात प्रकाश सयाजी साळवे यांनी पोलिसात फिर्याद दिली आहे. पोलिसांनी याप्रकरणी अज्ञात स्कुटीचालकाविरूध भारतीय दंड संहिता कलम 304 (अ), 279, 337, 338 व मोटर वाहन कायदा कलम 184,134/177 अंतर्गत गुन्हा दाखल केला आहे. अपघाताचा पुढील तपास पोलिस निरीक्षक विनोद घुगे यांच्या मार्गदर्शनाखाली सहायक फौजदार कुंभार करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.