पुणे : पुणे महानगर क्षेत्रविकास प्राधिकरणाच्या (PMRDA) प्रारूप विकास आराखड्यास मंजुरी मिळाली आहे. त्यामुळे भविष्यकालीन गरज ओळखून तत्काळ वीजजोडण्या देण्यासाठी व वीजपुरवठ्यासाठी वीजयंत्रणेच्या विस्तारीकरण व सक्षमीकरणाला वेग देण्यात यावा, असे निर्देश उपमुख्यमंत्री अजित पवार (ajit pawar) यांनी शुक्रवारी दिले. (Electrical system Enabled 23 new villages say ajit pawar)

जिल्हा विद्युत वितरण सनियंत्रण समितीची पवार यांच्या उपस्थितीत बैठक झाली. त्या वेळी त्यांनी हे आदेश दिले. गृहमंत्री दिलीप वळसे पाटील, विधान परिषदेच्या उपसभापती डॉ. नीलम गोऱ्हे, जिल्हा परिषद अध्यक्षा निर्मला पानसरे आदी उपस्थित होते. बैठकीत पवार यांनी समितीच्या सदस्यांनी उपस्थित केलेल्या विविध मुद्दयांच्या अनुषंगाने सूचना देत जिल्ह्यातील वीजविषयक कामांचा आढावा घेतला.