पुणे - रक्तदात्यांनो, रक्ताची गरज असलेला रुग्णशय्येवरील प्रत्येक जण तुमची वाट पाहतोय. दैनंदिन कामातून फक्त अर्धा तास काढून तुम्ही तुमच्या जवळच्या रक्तपेढीत, हॉस्पिटलमध्ये जाऊन रक्तदान करा. कारण, अद्यापही शहरातील रक्ताचा तुटवडा भरून निघालेला नाही. 

शहरात रक्ताच्या अभूतपूर्व तुटवड्याचे संकट ओढावलंय. शहरातील 27 पेढ्यांमध्ये रक्ताच्या पिशव्यांचा खडखडाट झालाय. या समस्येवर "सकाळ'ने शनिवारी (ता. 5) वृत्त प्रसिद्ध केले. त्यानंतर रक्तपेढ्यांमध्ये शिबिरासाठी चौकशी सुरू झाली. काही रक्तदात्यांनी रविवारी सुटीचा दिवस असल्याने स्वयंस्फूर्तीने रक्तदानाची वेळ रक्तपेढ्यांमध्ये घेतलेली. त्या वेळेत जाऊन रक्तदात्यांनी रक्तदान केले. 

ताज्या बातम्यांसाठी डाऊनलोड करा ई-सकाळचे ऍप

शहरात रक्तदान पुन्हा सुरू होत असले तरीही शहराच्या रुग्णालयांमधील रक्ताची गरज अद्याप पूर्ण झालेली नाही. तेथे दाखल अत्यवस्थ रुग्ण अद्यापही रक्ताच्या प्रतीक्षेत आहेत. रक्तपेढ्यांमध्ये जमा होणाऱ्या प्रत्येक रक्ताच्या बॅंगकडे त्यांचे लक्ष लागले आहे. त्यामुळे "रक्तदात्यांनो पुढे या आणि रक्तदान करा', असे आवाहन रक्तपेढ्यांतर्फे करण्यात आले आहे. 

पुण्याच्या बातम्या वाचण्यासाठी येथे ► क्लिक करा

रोटरी क्‍लबतर्फे औंध रस्त्यावरील बालकल्याण संस्थेत आयोजित रक्तदान शिबिरात 46 जणांनी रक्तदान केले, अशी माहिती रोटरी पुणे स्पोर्ट सिटीचे माजी अध्यक्ष नितीन जोशी यांनी दिली. 

देशभरातील इतर बातम्या वाचण्यासाठी येथे क्लिक करा