पुणे : युवकांना रोजगार, नोकरीच्या कोणत्या संधी उपलब्ध आहेत, त्यांना रोजगार कशा पद्धतीने मिळू शकेल, त्यासाठी कोणती कौशल्ये आवश्यक आहेत, स्टार्टअपची सुरवात कशी करता येईल, याबाबत काही उद्योजक युवकांशी 
ऑनलाईन पद्धतीने शनिवारी (ता. 11) सायंकाळी चार वाजता संवाद साधणार आहेत. मराठा चेंबर ऑफ कॉमर्स, इंडस्ट्रीज एँड ऍग्रीकल्चरने 'एमसीसीआयए' यासाठी पुढाकार घेतला आहे.

ताज्या बातम्यांसाठी डाऊनलोड करा ई-सकाळचे ऍप    

राज्यात 'अनलॉक' नंतर बरेच उद्योग चालू झाले आहेत. मात्र, आजही रोजगाराची परिस्थिती बिकटच आहे. महाराष्ट्र सरकारनेही 'महाजॉब्स' पोर्टल सुरू केले आहे.  
या पार्श्वभूमीवर, राज्यातील युवक-युवतींना कशा प्रकारचे रोजगार, नोकऱ्या उपलब्ध आहेत?, या नोकऱ्यांसाठी कोणती कौशल्य आवश्यक आहेत ?, त्यासाठी कशी तयारी करावी ? हे समजावून सांगण्यासाठी 'एमसीसीआयए' ने एक नवीन प्रकल्प हाती घेतला आहे. या प्रकल्पाअंतर्गत पुढील काही आठवडे, दर आठवड्याला एक 'ऑनलाइन' चर्चासत्र होणार आहे. या चर्चासत्रात काही सूक्ष्म, लघू व मध्यम उद्योजक हे स्वतः युवकांशी संवाद साधतील. तसेच युवकांच्या काही प्रश्नांची उत्तरेही देतील.

पुण्याच्या बातम्या वाचण्यासाठी येथे ► क्लिक करा

भारतात ६ कोटी 30 लाखांपेक्षा जास्त सूक्ष्म, लघू-मध्यम उद्योग आहेत. सुमारे ११ कोटींहून अधिक व्यक्तींना या क्षेत्राने रोजगार दिला आहे. वेब-एक्स, फेसबुक किंवा यू-ट्यूबद्वारे जास्तीत जास्त युवकांनी या कार्यक्रमात सहभागी व्हावे, असे आवाहन चेंबरचे महासंचालक प्रशांत गिरबाने यांनी केले आहे.  

युवकांना रोजगाराची संधी 

शनिवारी (ता. 11) - सायंकाळी चार वाजता 
वेब-एक्स shorturl.at/etAZ3
फेसबुक http://www.facebook.com/punemccia
यू ट्यूब.  www.youtube.com/punemccia