गराडे - शिवाजीराव इंगळे यांचा अश्वारूढ पुतळा वाळूंज येथे उभा करुन त्या परिसराचे संपूर्ण सुशोभीकरण करुन समाजोपयोगी कामे करणार असल्याचे माजी जिल्हा नियोजन समितीचे सदस्य व सरदार शिवाजीराव इंगळे प्रतिष्ठानचे संस्थापक अध्यक्ष रमेश इंगळे यांनी सांगितले.

- ताज्या बातम्यांसाठी डाऊनलोड करा ई-सकाळचे ऍप

वाळुंज (ता. पुरंदर) येथे स्वराज्याच्या पहिल्या लढायचे शिल्पकार सरदार शिवाजीराव इंगळे यांच्या ३७२ व्या शौर्य दिनानिमित्त निमित्त सासवडचे पोलीस निरीक्षक डी. एस. हाके यांच्या हस्ते त्यांच्या पुतळ्यास पुष्पहार अर्पण करण्यात येऊन अभिवादन करण्यात आले. 

सरदार शिवाजीराव इंगळे यांची वाळुंज येथे समाधी आहे. कार्यक्रमाच्या अध्यक्षस्थानी जिल्हा परिषद सदस्य दिलीप यादव यादव हे होते. सरदार शिवाजीराव इंगळे प्रतिष्ठानच्या वाळूंज यांच्या वतीने पुरंदर पंचायत समितीच्या सभापती नलिनी लोळे यांच्या हस्ते मास्क व सॅनिटायझरचे वाटप करण्यात आले.

- पुण्याच्या बातम्या वाचण्यासाठी येथे ► क्लिक करा

स्वराज्याची पहिली लढाई ८ ऑगस्ट १६४८ या या दिवशी खळद, वाळुंज, बेलसर या परिसरामध्ये सरदार शिवाजीराव इंगळे यांच्या नेतृत्वाखाली लढली. यामध्ये सरदार इंगळे हे धारातीर्थी पडले होते. 

या कार्यक्रमाचे संयोजन वाळुंज गावचे माजी सरपंच गोविंद इंगळे, राहुल इंगळे, महेश इगळे, मोहन इंगळे, दत्तात्रेय म्हेत्रे, विकास म्हेत्रे, बापू चौरे, ज्ञानेश इंगळे, प्रतिक इंगळे, नितीन इंगळे, अंकुश इंगळे, प्रमोद इंगळे, लक्ष्मण म्हेत्रे, अनिकेत नवले, शांताराम म्हेत्रे, विजय इंगळे, नानासो इगळे, सुनिल इंगळे यांनी केले.

कार्यक्रमाचे प्रास्ताविक शिवाजीराव इंगळे प्रतिष्ठानचे विश्वस्त कैलास फ. इंगळे यांनी केले. सूत्रसंचालन प्रकाश इंगळे यांनी केले. तर आभार प्रमोद इंगळे यांनी मानले.

Edited By - Prashant Patil