पुणे : जिल्हा प्रशासनाकडून दुष्काळ तक्रार निवारण व आपत्ती व्यवस्थापनाकरीता कक्ष सुरू करण्यात आला आहे. या कक्षामार्फत नागरिकांकडून दुष्काळाविषयी तक्रारींकरीता स्वतंत्रपणे नोंद घेऊन चारा छावणी, पाणी टंचाई व त्याबाबतच्या उपाययोजना करण्यासाठी तात्काळ कार्यवाही करण्यात येत आहे. 

जिल्ह्यामध्ये टँकरची मागणी आल्यास 24 तासात मंजूरी देण्यात येत आहे. याप्रमाणे आतापर्यंत 6 चारा छावण्यांना मंजूरी देण्यात आली आहे. चारा छावण्यांच्या नवीन प्रस्तावांना 24 तासातच मंजूरी देण्यात येऊन त्याची कार्यवाही करण्यात येत आहे. 

वरील विषयांच्या सूचनांकरीता नागरिकांनी 1077 या टोल फ्री व  020- 26123371 या संपर्क क्रमांकांचा वापर करावा, असे जिल्हाधिकारी नवल किशोर राम यांनी आवाहन केले आहे.