राजगुरुनगर - परराज्यातील मृत व्यक्तीचा एकही नातेवाईक हजर नसताना केवळ मानवतेच्या भावनेतून राजगुरुनगरचे माजी सरपंच प्रदीप कासवा यांनी अंत्यसंस्कार केले. 

बातम्या ऐकण्यासाठी डाऊनलोड करा ई-सकाळचे ऍप

कोरोनामुळे एकंदर जनजीवन विस्कळीत झाले आहे. बांधकाम मजूर म्हणून थोड्या दिवसांपूर्वीच 'सेझ' परिसरात आलेल्या ज्ञानचंद शिवजतन शाह (वय ५२, सध्या रा. कनेरसर, ता. खेड, मूळ रा. भोजपूर, बिहार) यांचे पायाच्या दुखापतीच्या आजाराने निधन झाले. चांडोली ग्रामीण रुग्णालयात त्यांचे शवविच्छेदन झाले. पण, मृतदेह कोणाकडे सोपवायचा, हा मोठा प्रश्न होता. कारण, त्यांचा एकही नातेवाईक येथे नव्हता. सर्व नातेवाईक बिहार येथे होते. लॉकडाउनच्या परिस्थितीत इतक्या दूर मृतदेह नेणे शक्य नव्हते. 

पुण्याच्या आणखी बातम्या वाचण्यासाठी येथे ► क्लिक करा

ग्रामीण रुग्णालयाच्या अधिकाऱ्यांनी अमरज्योत चॅरीटेबल ट्रस्टचे अध्यक्ष प्रदीप कासवा यांना या घटनेची माहिती दिली. कार्यकर्त्याचा पिंड असलेल्या कासवा यांनी स्वतः ही जबाबदारी घेतली. शासनाचे संबंधित अधिकारी व आरोग्य विभागाची परवानगी घेऊन त्यांनी कायदेशीर सोपस्कार पार पाडले. त्यानंतर कासवा यांनी केवळ तीन जणांच्या साथीने शाह यांच्यावर अमरधाम स्मशानभूमीतील गॅसदाहिनीमध्ये अंत्यसंस्कार केले. फक्त चारजण खांदा द्यायला असले कि बस! असे आपल्याकडे नेहमी बोलले जाते. शहा यंच्या बाबतीत दुर्दैवाने ते खरे ठरले.