पुणे : देशात वाढत असलेल्या कोरोना विषाणूचा प्रादुर्भाव लक्षात घेत माजी सैनिक अंशदायी आरोग्य सेवा योजनेअंतर्गत (इसीएचएस) नुकतेच माजी सैनिकांसाठी 'कॅशलेस कोविड 19' चाचणी सुविधा सुरू करण्यात आली होती. या सुविधेसाठी माजी सैनिकांना इसीएचएस तर्फे सुनिश्चित केलेल्या रुग्णालयांमध्येच चाचणी करण्यात येईल. यासाठी काही सरकारी व खाजगी रुग्णालयांना नेमण्यात आले आहे. तसेच आयसीएमआर किंवा प्रशासना मार्फत ठरविण्यात आलेल्या किंमती पैकी जी कमी असेल त्या किंमतीत चाचणी करण्यात येईल. या संदर्भातील परिपत्रक संरक्षण विभागातर्फे नुकतेच काढण्यात आले आहे.

 ताज्या बातम्यांसाठी डाऊनलोड करा ई-सकाळचे ऍप
पुण्याच्या बातम्या वाचण्यासाठी येथे ► क्लिक करा

या परिपत्रकानुसार कॅशलेस कोविड चाचणी योजने अंतर्गत केवळ इसीएचएसने ठरवलेल्या खाजगी व सरकारी रुग्णालयात चाचणी होईल. तसेच शासना मार्फ़त ठरविण्यात आलेल्या किंमतीत चाचणी करण्यात यावी व त्याचे बिल इसीएचएस विभागाला देण्यात यावे. तसेच इसीएचएस धारकांनी आरोग्य सेतू ऍपचा वापर करत व त्यावर आपल्या आरोग्याबाबतची माहिती वेळोवेळी भरायची आहे. तसेच कोविड 19 संबंधित कोणत्याही प्रकारची लक्षणे (ताप, खोकला किंवा श्वसनाचा त्रास) आढळल्यास त्यांनी त्वरित आपल्या जवळच्या इसीएचएसने सुनिश्चित केलेल्या रुग्णालयाशी संपर्क साधून कोविड 19 ची चाचणी करून घ्यावी. तसेच सुनिश्चित करण्यात आलेल्या रुग्णालयांना देखील चाचणी करणे आवश्यक आहे. अशी माहिती इसीएचएस सल्लागार समितीचे सदस्य रवींद्र पाठक यांनी दिली.

राज्यातील सहा जिल्ह्यांत झालेल्या ‘सिरो सर्व्हे’चा निष्कर्ष पहा

तसेच या कॅशलेस कोविड चाचणी सुविधेकरिता पुणे जिल्ह्यातील माजी सैनिकांसाठी सुमारे 25 हून अधिक खाजगी आणि सरकारी रुग्णालयांची सुविधा उपलब्ध करून देण्यात आली आहे. असे सैनिक कल्याण मंडळाचे जिल्हाध्यक्ष मेजर मिलिंद तुंगार यांनी सांगितले.

मनाचिये वारी : पांडुरंगा, कशासाठी आमच्या पदरी झुरणीची वारी

"शहरातील माजी सैनिकांची संख्या पाहता इसीएचएस मार्फ़त सुनिश्चित करण्यात आलेल्या रुग्णालयांची संख्या चांगली आहे. त्या तुलनेत लष्करी रुग्णालय हे शहरातील ठराविक भागातच आहेत. तसेच सध्या कॅशलेस कोविड चाचणी सुविधा या माजी सैनिकांना देण्यात आल्यामुळे आता त्यांना लष्करी रुग्णालयांसारखाच लाभ होत आहे."
- मेजर मिलिंद तुंगार, सैनिक कल्याण मंडळाचे जिल्हाध्यक्ष