पुणे, ता. २ ः जागतिक पर्यावरण दिनाचे औचित्य साधून ग्रीन हिल्स ग्रुपच्या वतीने शनिवार ते सोमवार (ता. ८ ते १०) दरम्यान बालगंधर्व कलादालन येथे पर्यावरणावर आधारित काढलेल्या पेंटिंग्ज व पोस्टरचे प्रदर्शन आयोजित केले आहे. त्याचे उद्‍घाटन पुणे महापालिकेचे आयुक्त डॉ. राजेंद्र भोसले यांच्या हस्ते होणार असल्याची माहिती नॅशनल सो. क्लीन सिटीच्या अध्यक्षा श्यामला देसाई यांनी पत्रकार परिषदेत दिली.
या प्रदर्शनात पर्यावरणावर काम करणाऱ्या सुमारे ४० विविध संघटनांचा सहभाग असणार आहे. या प्रदर्शनाच्या माध्यमातून इतरांना प्रेरणा मिळावी आणि या सामाजिक कार्यामध्ये पर्यावरणाच्या संवर्धनासाठी हातभार लागावा. पुणे शहर प्रदूषण मुक्त करावा याच उद्देशाने या प्रदर्शनाचे आयोजन केले असल्याचे देसाई यांनी सांगितले. यावेळी अतुल वाघ, किशोर मोहोळकर, बविषा बुद्धदेव, रवी पुरंदरे, श्रीकांत परांजपे आदी उपस्थित होते.