पिंपरी, ता. २८ : घरभाड्याच्या कारणावरून झालेल्या वादात एकाच कुटुंबातील चौघांना लाकडी फळी आणि रॉडने मारहाण करून जखमी केले. ही घटना मोशीतील बोऱ्हाडेवाडी येथे घडली. बोऱ्हाडेवाडी येथील ४५ वर्षीय महिलेने एमआयडीसी भोसरी पोलिस ठाण्यात फिर्याद दिली आहे. त्यानुसार पोलिसांनी सारिका सुभाष बोऱ्हाडे, आदित्य सुभाष बोऱ्हाडे, निशा सुभाष बोऱ्हाडे (सर्व रा. बोऱ्हाडेवाडी, मोशी) यांच्यावर गुन्हा दाखल केला आहे. फिर्यादी घरी असताना आरोपी घरात शिरले. घरभाडे देण्याच्या कारणावरून फिर्यादीला शिवीगाळ केली. त्यानंतर फिर्यादी आणि त्यांच्या तीन नातेवाइकांना मारहाण केली.