ओतूर - खामुंडी, ता. जुन्नर येथील शेतकरी दिपक ज्ञानेश्वर कोकाटे यांचा बैल गाडीला जुंपलेला बैल गाडीसह कठडा नसलेल्या विहित पडून ठार झाला.

खामुंडी येथील सोमनाथ नगर परीसरातील तेलदरा शिवारात त्याचा मुलगा प्रणव कोकाटे आपल्या जनावरांना चारा आनण्यासाठी त्यांची एक बैलाची बैलगाडी घेऊन बुधवारी सायंकाळी गेला होता.जनावरांचा चारा बैल गाडीत घेऊन परतताना अचानक बैलाने कशाला तरी घाबरून मुसंडी मारली.

बैलाने मुसंडी मारल्याने बैल हा बैल गाडीसह जवळच असलेल्या कठडा नसलेल्या विहिरीत पडल्याने बैलाचा जागीच मृत्यू झाला. प्रणव ने प्रसंगावधान दाखवून बैलगाडीतून उडी मारल्याने त्याचा जीव वाचला आहे.

सदर घटना कळताच सामाजिक कार्यकर्ते कैलास बोडके यांनी यांनी आळेफाटा येथील महालक्ष्मी क्रेनचे मालक किरण पुरी यांना संपर्क करून क्रेन बोलावले रात्री उशीरा दिपक कोकाटे व बाबू कोकाटे यांनी क्रेनच्या सहाय्याने खाली विहिरीत ५० ते ६० फुट उतरून खामुंडी गावातील तरुणांच्या मदतीने अथक प्रयत्न करून बैलाचा मृतदेह आणी बैलगाडी रात्री १.३० च्या सुमारास विहिरीच्या बाहेर काढण्यात यश मिळवले.

सदर शेतकऱ्याचा बैल ठार झाल्याने त्याचे मोठे आर्थिक नुकसान झाले असून पिडित शेतकर्याला आर्थिक भरपाई किंवा बैल शासना कडून किंवा सामाजिक संघटना कडून मिळावा अशी मागणी परीसरातील शेतकरी करत असून सदर घटने बाबत शेतकरी वर्गातून परिसरातून हळहळ व्यक्त केली जात आहे.